Corse Net Infos - Pure player corse

Rivista di stampa


le Samedi 6 Avril 2013 à 02:22



Rivista di stampa
Prova di scruccuneria
2013-04-06 10:50:04
Ci hè una scruccuneria contr’à a canterina Battista Acquaviva nant’à Internet, ùn ci vole micca à mandà soldi sì vo ricevite un missaghju elettronicu da a so parte perchè scrucconi provanu à piglià soldi fendu crede chì a canterina hè stata attaccata. Sta prova di scruccuneria hè stata fatta perchè Battista Acquaviva hà cumunicatu u so indirizzu elettronicu dopu avè ricevutu un missaghju chì u dumandava. U missaghju dicia chì, s’ella ùn mandava st’indirizzu, è un altru di succorsu, u so contu Outlook avia da chjude.
Detti è fatti

Abbandonu
2013-04-06 10:49:11
Una timpesta hà stracciatu u velu di u battellu di Yvan Bourgnon è Joris Cocaud chì vulianu fà u giru di Corsica, ma anu dettu ch’elli pruveranu torna.
Sportu è passatempu

Assassiniu
2013-04-06 09:59:38
Eri sera versu 6ore45 Jean Sebastien Gros, 32 anni, hè statu tombu da una o parechje palle quand’ellu si truvava in u giardinu di a casa di a so mamma in Sant’Amanza. L’autossia di a vittima serà fatta da quì à qualchi ora è permetterà di cunnosce l’arma utilizata. Ramintemu chì, in u 2000, Nicolas Gros, u fratellu di Jean Sebastien Gros era statu tombu in a cità di Bunifaziu. L’inchiesta cuntinueghja.
Detti è fatti

Cunvucazione
2013-04-06 09:59:14
Eri, i quattru militanti di a Ghjuventù Independentista, chì avianu occupatu a sottuprefettura di Corti, sò stati ritenuti à a gendarmeria di U Borgu, è anu da passà in tribunale u 26 di ghjugnu. Risicheghjanu a prigiò è amende perchè l’accusazione di viulenza in reunione serebbe ritenuta contr’à elli. 
Detti è fatti

Greva
2013-04-06 09:58:54
I marinari CGT di a SNCM anu annunziatu una greva di 24 ore, venneri l’11 d’aprile, pè prutestà contr’à a ghjunta di u battelluVenizelos è i so marinari grechi. Ma sta greva hè dinù pè prutestà, cum’è in Francia, contr’à u prugettu di lege di u ministru di i trasporti, Frédéric Cuvillier, pè i paviglioni strangeri nant’à e linee naziunale.
Trasporti

Pallò
2013-04-06 09:58:31
A squadra di u Gazelec hà fattu un risultatu paru eri sera in Gueugnon 0 à 0 contr’à Auxerre. A a classifica l’aiaccini sò sempre l’ultimi di u campiunatu cù 22 punti è sò quasi sicuri di raghjunghje a naziunale a stagione prussima. Per u prussimu scontru u GFCA si dispiazzerà in Sedan.
In u campiunatu di liga 1, u Sporting Club di Bastia riceve sta sera à 8 ore in Furiani à Brest. Per stu scontru Jerome Rothen è Wahbi Khazri vulteranu in a squadra. Eppo, L’ACA si dispiazza in Sochaux è u CAB ghjucherà contr’à Orléans.

Sportu è passatempu


Histoires (s) en mai
2013-04-06 09:56:58
U festival “Histoire(s) en mai) hè previstu l’8 d’aprile è da u 6 à u 31 di maghju in Bastia. Numerosi appuntamenti culturali sò previsti  per stu festivale chì averà per tema “guetteurs et enqueteurs”

Festivale























Newsletter


Galerie
Manif Ajaccio.12
Manif Ajaccio.11
Parking Gaudin
Parking Gaudin
Cinéma Ellipse
Cinéma Ellipse
IMG_9423
Donation Lazaret ajaccio.5
1
Inondations Ajaccio.17
Soignants Bastia
Hôpital Ajaccio
Inhumation Guy Bedos
IMG_9304
Citadelle Ajaccio.12
IMG_2047