Corse Net Infos - Pure player corse

Racolta Natalesca in San Fiurenzu


C.-V. M le Lundi 16 Décembre 2019 à 09:02

Pè a 12a annata, prupunia a Cunfraterna Santa Croce di San Fiurenzu una racolta di vestiti è di ghjoculi à prò di l'associu Opra Leccia chì lotta contru à a precarità à fiancu à i più spruvisti



O quanta roba, quanta ghjente impegnata issu ghjornu malgradu a tramuntana chì tirava, era d'altronde troppu chjuca a sala di a Cunfraterna da accatastà u tuttu.


Ci dice Rumanu Giorgi di a Cunfraterna Santa Croce : " Una volta di più, anu sappiutu i Sanfiurenzinchi porghje u so pocu è tantu versi i più umili, ne simu assai suddesfi è pensemu digià à a seguita, visita di e case di riposu, torta pifania pè e persone anziane via, tuttu ciò chì face l'essezza di a nostra l'andatura è u suchju di l'esse paisanu..."