Pratica Lingua in Bastia : U Corsu hà da ridivintà a nostra lingua materna

Luni matina, indè i lochi bastiais di Pratica Lingua, s'hè avverata una cunferenza di stampa pe presenta issu centru immersivi di a lingua corsa.
In aspittendu u statutu di cuuficialità si pò quantunque agisce per a naturalisazione di a lingua corsa è ghjè in surtendu di i so lochi chì Pratica Lingua sparghje ogni annu, a nostra lingua à più di 350 persone. Incù pruposte di furmazione è di pratiche culturale è musicale issu locu hè innanzi tuttu, un crucivia di sapè è di scambiu, di pratica è sucialibilità. Chì una lingua, s'ella ùn hè micca aduprata ogni ghjornu, in ogni duminiu, hè dedicata à smarisce. Cù i so 5 poli di furmazione diverse e varie, per ogni livellu, Pratica Lingua si vole esse un operatore di spartera di a lingua per ogni livellu è per tanti oggettivi diversi.