Corse Net Infos - Pure player corse

Petru Poggioli : « Ci voli, avà, una presa in contu custituziunali di a demarchja naziunali corsa »


Rédigé par Vincenzu Marcelli le Mercredi 3 Janvier 2018 à 19:54 | Modifié le Jeudi 4 Janvier 2018 - 09:31


Attore maiò di u naziunalisimu di l’anni settanta , Petru Poggioli era presente eri pè a stallazione di a Culletività nova. Ci da u so parè nantu à sta situazione.


Petru Poggioli : « Ci voli, avà, una presa in contu custituziunali di a demarchja naziunali corsa »
- Site statu unu di primi eletti naziunalistu. Un mumentu maiò, eri à l’assemblea di Corsica ?
- Semi stati, in 1984, i primi eletti di a Lotta di Liberazione Naziunale cù Dumè Gallet è Iviu Stella. L’Autonumisti eranu stati, i primi à essa eletti à l’Assemblea in u 1982. Ma à s’epica quì, aviami fattu campagna contru à iss’elezzioni. 


- A cullettivita unica c’una larga maiurità naziualista apre una pagina nova pè a Corsica ?
-Ghjè a fini d’una demarchja. Avà, s’apri un’altra strada, quidda di custruì un paese, una nazioni è di mustrà chè i naziunalisti sò quì pà servi l’intaressi di u populu è cambià stu sistema chì era nanzi, in Corsica.


- V’aspittaiate, in u 1984 ch’è i naziunalisti sarianu quì oghje ?
Speravami sempre, osinnò à chì pudia ghjuvà u nosciu ingaghjamentu. Hè sicura ch’è a strada hè stata longa, ma, à pocu à pocu, avemi avanzati. Oghji, semi sbuccati nantu à sti resultati mà, ùn n’hè c’un passu. Ci vole à muscià chè noi semi quì per travaglià. Quand’è vo seti in l’opposizioni, hè più faciuli, avè i respunsabilità dumanda più impegnu.

- I media naziunali anu parlatu d’indipendenza. Pinsate ch’è què falza u travagliu di l’eletti novi ?
-Hè un falzu prublema di ghjurnalisti chì cercani à venda. E à metta i cozzi trà l’autonumisti è  quelli chì sò pà l’indipendenza. U prublema ùn hè quessu, hè di ghjunghje, à un mumentu datu, à una presa in contu di a realità d’un paese. E di fà ch’ellu cambiessi à pocu à pocu. Quali hè chì ci pò dì, oghji, chì sarà u statutu di a Corsica da quì à 10 o 20 anni.

- Tocca avà à cunvince Parrighji di fà un passu ver di i Corsi ?
-Hè un passu impurtantissimu da francà. Ci hè un rapportu di forza trà l’istituzioni di a Corsica è puderu francesu pà avè una presa in contu custituziunali di a demarchja naziunali corsa è fà ch’è n’avessimi un puderu legislativu maiò.



Corse | Entretiens | Elections | Institutions