Patriotti : "Torna naziunalisti tocchi..."

 Qualchi tempi fà, unu di i nosci, Saveriu Cancellieri (incù i so frateddi) ha vistu unu di i  batella di a so impresa brusgiatu da una mani criminali à u portu d'Aghjacciu. A notti passata, in u rughjonu di Sagoni, sò dinò parrechji batella di una  spassighjat'in mari e di piscadori chi sò stati distrutti da una malfatta
Ssi danni cuncirnighjani una volta di più paisani cunisciuti par u so impegnu puliticu.
Ssi atti vituperii cuntribuiscini à indibulì u nosciu tissutu ecunomicu, suciali è culturali. Mosciani chi ogni ghjornu, in  un certu  lascia corre a Corsica  dighjà miss'à mali da logichi mortiferi intratinuti da u spussessu culuniali affonda un pocu di più. Un sò tantu di a marghjini tutti 'ssi atti chi oghj'infracicheghja di più a noscia sucità...
Ùn caschemu in i trappuli di u sistema francesu chi sempri ha pruvatu à spiccà ci par megliu supranà ci.
Da par noi, insembu, in a vulintà cumuna di dà à u nosciu populu l'arnesi di a so sana e storica subranità, femu là finita incù ssa cattia sorta chi tocca operai paisani, militenti patriotti.
Tempu di cuscenza cumuna hè !
PATRIOTTI manda u so sustegnu à tutti quiddi chi sò stati cusi tocchi .
PATRIOTTI rament'à ugnunu a so vulintà di veda una Corsica spannata par quali monda di i nosci so stati incarciarati, so sempr'incarciarati e ni pattini sempri in a so vita cutidiana.
A lotta cuntinueghja par una Corsica corsa, liberata e ammaistrata da u so Populu.