Corse Net Infos - Pure player corse

Lisula : Trasmissione ecoludica per i zitelli


Rédigé par Stella CIANI le Jeudi 22 Février 2018 à 11:25 | Modifié le Jeudi 22 Février 2018 - 11:49


zitelli iscritti à l'accogliu di i minori intercumunale di u CIAS di Lisula Balagna, anu prisentatu eri mane à a scola di Lisula, un travagliu annant'à i frazi attraversu un filmettu è un bellu ricettore per u scumparitimentu fattu da per elli.


Un opera chì s'hè custruita mentre parechje simane, in associu cù u magazinu Weldom di Lisula.  
" Avemu sceltu di travaglià annant'à u scumparitimentu per raghjunghje a dinamica di a cumunanza di e cumune.
Cù u programma Ecoscola chì cuntinueghje mentre i marcuri è e vacanze, i zitelli ripruducenu cusì gesti ch'elli amparanu à a scola. È i ripruducenu dinò in case soie. Ogni marcuri, un zitellu avarà a respunsabilità di ghjittà i frazi"
hà spiecatu Vincent Laperche agente di u CIAS di Lisula. Ramintemu chì tuttu u materiale hè statu rigalatu da u magazinu Weldom. " Anu spartutu vulinteri u nostru prugettu. Tenimu à ringrazià li "
Una prisentazione fattu in prisenza di l'animatori è di Antoinette Salducci, eletta municipale intercumunale. 






Dans la même rubrique :
< >

Mardi 11 Décembre 2018 - 21:24 Calinzana : A diu Tony

Livres | Musique | Evènements | Lingua corsa | Cuisine