Corse Net Infos - Pure player corse

Apertura di a prima edizione di "Lisula Cinemusica"


Rédigé par Stella CIANI le Vendredi 20 Avril 2018 à 11:04 | Modifié le Vendredi 20 Avril 2018 - 11:40


Festivale Lisula Cinemusica. hè un evenimente chì face a lega trà sinemà, musica è criazione artistiche.


In prisenza anzituttu di  a squadra di Cinemusica  Frederique Densari, cunsigliera tarrituriale, Tony Casalonga, centre culturale Voce, Christiane Acquaviva, artista teatrale.
In prisenza anzituttu di a squadra di Cinemusica Frederique Densari, cunsigliera tarrituriale, Tony Casalonga, centre culturale Voce, Christiane Acquaviva, artista teatrale.
Ghjovi sera, in u sinemà " u Fogata" hè stata inaugurata a prima sirata di u festivale "Lisula Cinemusica". In presenza di a squadra, a prima parte s'hè passata in u fora, in giru à un pranzu, à mezu à e belle tele culurite di l'artisti " The Dude's".   

" Ghjè l'idea d'animà appena di più u sinemà, fora di a stagione è fora di a prugrammazione à l'annata. Vulia dipò parechji anni fà calcosa in più. Festivale di sinemà vole dì assai è pocu à tempu. Ci vulia à mischiallu à calcosa d'altru. Per via à u mo parcorsu persunale, l'aghju legatu naturalmente à a musica" hà spiecatu u presidente Ceccè Acquaviva. 

" Avemu circatu à fà prugrammazione di filmi è ducumenti chì trattanu di a musica. È di fatti, ci simu avvisti chì ci n'era tant'hè più da prugrammà. Per quist'annu, avenu sceltu filmi annant'à 3 gruppi mitichi. " The police", "The Beatles " è " The Rolling Stones ". Per l'annu chì vene avemu digi di chè fà. Per i cuncerti live, avemu sceltu di cuntatà artisti lucali"

Mentre issi quatru ghjornu, opere d'artisti balanini urnaranu i muri di u sinemà. 

" Per issa prima edizione, l'artisti chì ci danu a manu, sò l'amichi di Serge Bonavita, rispunsevule di l'evenimenti live". 

Issa prima sirata s'hè principata cù a pruiezzone di u filmu d'Alexandre Messina " Percujma". In fine, ghjè Carmin Belgodere chì hà chjosu e festività. 


Nicolas, 9 anni, davant'à a so tela preferita
Nicolas, 9 anni, davant'à a so tela preferita





Dans la même rubrique :
< >

Lundi 15 Octobre 2018 - 09:14 Le CRAB XV déroule à Fayence

Livres | Musique | Evènements | Lingua corsa | Cuisine