Corse Net Infos - Pure player corse

Aiacciu : una millaia di persone per difende a lingua corsa !


Vincent Marcelli le Samedi 23 Mars 2019 à 18:53

Eletti, militanti, insignanti, studienti, eranu guasgi una millaia, stu dopu meziornu davanti à a Prifettura d’Aiacciu per difende, torna una volta, a lingua corsa. A terza tapa d’una mossa principiata u mese scorsu.




(Photo Michel Luccioni)
(Photo Michel Luccioni)
L’avia prumessu, l’hà fattu. Micheli Leccia, u capimachja di u Cullettivu « Parlemu Corsu » era à u capu d’una mossa generale intornu à rivindicazione ch’è noi li cunniscimu (cuufficialità di a lingua, insignamentu ubligatoriu da a scola materna sin’à a Terminale) issu dopu meziornu davanti à a Prifettura di Regione in Aiacciu. À fiancu à ellu, militanti di a lingua, insignanti, i trè deputati naziunalisti è l’eletti di a maiurità territuriale, qualchì elettu di a Cità d’Aiacciu (Cristofanu Mondoloni, Stefanu Vannucci, Francescu Filoni…), persunalità di a sucetà civile, cullegiani, liceani, studienti di l’Università, associ, gruppi culturali, una millaia in tuttu à pocu pressu. E rivindicazione ùn scambianu micca dapoi u mese scorsu davanti u Retturatu : « Sò avà dodeci anni ch’è noi semu nantu à u tarrenu, spiega Micheli Leccia, per realizà azzioni cuncreti. Hè a demustrazioni di ciò chì si faci dapoi anni è anni. U populu t’hà a vulintà. L’iniziativi ùn mancanu micca. U populu t’hà bisognu d’un aiutu, d’un sustegnu è issu sustegnu devi vena da u Statu. Comu hè chì di pettu à una brama populara cussì maiori, ùn ci sichi micca una vulintà di parmetta d’avanzà ? »

Dopu à l’addunita davanti à a Prifettura (un’ora dopu à pocu pressu), uni pochi anu pigliatu a parolla frà e canzone di i zitelli di « A scola di cantu ». Cusì, Arthur Solinas (cullegiani in San Paulu s’hè fattu u portavoce di i soi : « Semi in brama di veda campà a noscia lingua,  sò d’un mezu familiali favurevuli à a pratica di u corsu. Ma par disgrazia, intornu, mori ziteddi ùn ani à nimu in casa in capicità di trasmettalu. Hè una realità da piddà in contu, un argumentu per ghjustificà i nosci rivindicazioni. Dipoi parechji settimani avà, incalchemi à nantu è a faremi fin tantu ch’ùn avaremi trovu suddisfazzioni… »
Qualchì minutu dopu, tuccava à Antò Secondu, nantu à un versu più duru, di piglià a parolla à u nome di l’insignanti : « Semi Corsi, a noscia lingua hè u corsu. Ch’ani da fà ? L’ani da fà campà issa lingua o l’ani da lascià mori ? »
In fine, è nanzu d’esse ricivutu da un riprisentente di a Prifetta di Corsica, Micheli Leccia hà pigliatu, torna una volta, a parolla : « Rivindichemi nantu à l’Educazioni ma issu locu hè simbolicu. Sapemi chè a Rettrici, puteri ùn hà micca, a Prifetta micca tantu ma pò quantunqua trasmetta a noscia brama à i Ministri è à u Presidenti di a Republica. Li tocca à senta a vulintà di i Corsi è di ciò chì si passa in carrughju…Semi stati ricivuti in Prifettura, avemi musciatu parlendu in corsu cù un traduttore, chì u corsu hè a noscia lingua. A Prifetta ùn hà vulsutu ricevaci hè una mancaza di rispettu… »
Per u Cullettivu è tutti quelli chì sò impegnati, e rivindicazione cuntinueghjanu…





Dans la même rubrique :
< >

Dimanche 8 Décembre 2019 - 22:26 A cità paulina celebra a festa di a Nazione

L'actualité | Politique | Football | Sports | Culture | PAROLES | I santi | L'anniversari | Diaspora | iPhone | Avis de décès | Carta Bianca | A Table ! Les recettes des lecteurs | Tocc’à voi
















Newsletter



Galerie
Halloween Calinzana
Halloween Calinzana
1er palmarès d'architectes en Corse
1er palmarès d'architectes en Corse
Universita di Corsica-CNRS
Universita di Corsica-CNRS
Sfida Capicursina
Sfida Capicursina
Sélection coupe du Monde de la pâtisserie
Sélection coupe du Monde de la pâtisserie
 Salon du chocolat de Bastia
 Salon du chocolat de Bastia
ACA-Nancy
Rhodanus
Mohamed Hamidi présente Une Belle Equipe
Da Capandula à Santa Maria