Principierà à 11ore in ghjesgia di Lisula da una messa nustrale offiziata da u Prete Ange-Michel Valery è cantata da a cunfraternita A Madunnuccia di à Misericordia.
A partesi di 2ore è mezu, l’accolta da Pierre Acquaviva sarà seguitata da a cunferenza « de 1729 à nos jours: la nation insurgée d’Antoine-Marie Graziani.
Letture è cummenti di calchì passu di l’elogiu funebre di Simone Fabiani, scrittu da u canonicu Orticoni è di u testu di Maurice Acquaviva: Où vas-tu mon fils ? Saranu fatti da Gigi Casabianca è Battista Acquaviva.
U présidente di l’Assemblea di Corsica Jean-Guy Talamoni spunerà annant’à « la Nation corse dans l’universalisme, son insertion dans l’Europe et dans le monde.
In sinconda parte, dop’à calchì parolla di Marie-Noëlle Acquaviva è Marie Ferranti, Jean-Félix Acquaviva, diputatu di a siconda circuscrizzione di a Corsica suprana, prisentarà ellu u rolu d’un diputatu Corsu in Parigi.
Più tardi, Camille Martelli, giovanna militanta, parlerà di l’indiatura militante oghjinca nanzu di lascià a parolla à Gilles Simeoni, presidente di l’esecutivu di a CTC chì tenerà una cunferenza intitulata: d’Aleria à Lisula, a nazione corsa oghje.
Dop’à cena sopra piazza, una sirata musicale cù Battista Acquaviva, Patria è i Chjami-Aghjalesi cumpierà sta ghjurnata dedicata à Ghjuvan’Battista Acquaviva.
« Vulemu ramintà chì sta ghjurnata ùn deve esse cunsiderata cum’è un meeting puluticu, nanz’à l’elezzione di dicembre. Ghjè una ghjurnata chì rende omaggiu à Ghjuvan’Battì, trent’anni dopu. U so ingagiamente deve serve di ghjustificativu per creà unu scambiu custruttivu, alimentà idee, fà nasce scontri è purtà una riflessione allargata annant’à l’avvene,» hà cunfidatu Marie-Noëlle Acquaviva, a so surella.
Stella CIANI
Envoyer à un ami
Version imprimable
