À partesi d'11ore di mane, quand'u caldu s'hè fattu sente, à u chjoccu di e squille è di i canti impaghjellati di tribbiera, i boi si sò messi à ballà, trascinendu quellu tribbiu pisante, guidati da mane esperte è sott'à l'ochji smaravigliati di i più chjuchi è i più maiò. Giirendu l'aghja in un sensu prima, pò di l'altru, franchendu u mezu, pian’pianinu, u granu s'hè staccatu di a spica.
Ingiru tutte quelle ghjurnate de straziu è di labore, amicizia è festa supraneghjanu purtantu quelli duri mumenti.
Dop'avè assitatu à a girata di i boi è i muli, spassighjata in calescia o annat'à i sumerelli, i visitanti anu scopre a parte artistica di a ghjurnata. In cantina, Caroll Hass è Dumè Campana l'anu accolti, prisentenduli e so opere in vetru di a spusizzione " Écosystème", mischiata à u tema di u ghjornu, a bella natura.
Nanzu di ballà cù Corsican Trio è Sumenta Nova, per u mumentu festivu di issu ghjornu, tutti si sò attavuliti per u piacè maiò di i più gullosi, tastà infine u famosu vitellu arrustitu d'Edgard.
Torna una volta, una bella ghjurnata ricca è festiva s'hè compia à u "Clos Culombu".
Envoyer à un ami
Version imprimable
