https://www.voce.corsica
« Quist’annu dopu à Natale l’auditoriu si sgrigna
Sparchjite puru e vostre ale incù la musa maligna
V’invita u cantu nustrale à avviabbi per Pigna.
Per sparghjene l’alegria lu cantu u più sebbiatu
Fù spentu da la cursia ma prestu accatizzatu
Si rinceppa a puesia in stu spaziu prelebbatu.
Fù spentu da la cursia ma prestu accatizzatu
Si rinceppa a puesia in stu spaziu prelebbatu.
Ch’ogni puetu di stintu senti st’invitu di core D’amicizia ne intintu s’omu canta cù fervore
È cime ch’omu hà alpintu si spannanu à ghjuvore.
È cime ch’omu hà alpintu si spannanu à ghjuvore.
Lu 28 di dicembre spuntate à l’inspensata
S’hè vo ne vulite rende à la rima un’ochjata
Per ch’ella si possa stende in una stonda sacrata.
S’hè vo ne vulite rende à la rima un’ochjata
Per ch’ella si possa stende in una stonda sacrata.
Trà Natale è Capu d’annu si parrenu guasgi fole
Da ritruvà senza ingannu o quellu ragiu di sole
A tutti porghje la manu lu 28 s’hè Diu vole! »
A 3 ore dopu meziornu, prisentazione di u travaggliu di tesa di Giovanni Ragni
Da ritruvà senza ingannu o quellu ragiu di sole
A tutti porghje la manu lu 28 s’hè Diu vole! »
A 3 ore dopu meziornu, prisentazione di u travaggliu di tesa di Giovanni Ragni
A 3 re e mezu prisentazione di u travagliu in corsu di Catalina Santucci
A 4 ore, si compie a prisentazione per una discussione generale
A 5 ore, un bellu caffè incù quatru cusgiole
E dopu, s’ella s’affacca a musa, un bellu chjama e rispondi
Ver di 8 ore, l’appettitu cummanda di fà si una manghjata
E dopu cena si beie e si canta dinò
Envoyer à un ami
Version imprimable
