Per voi, incù voi in ogni locu - l’info corse en libre accès

09-1918 Ghjunghjia, in Corsica, una malatia chì ferà assai morti : a grippa spagnola.

09-1904 Elezzione senaturiale dopu a morte d'Anghjulu Muracciole. Manuellu Arene era elettu cù 676 voti contr'à l'avucatu Felice Decori : 96 voti. Arena era deputatu. Derà à Dumenicu Forcioli u so postu.

09-1843 A municipalità di Bastia decidia di lascià i lampioni à oliu accesi tutta a notte. Sin'à tandu per fà ecunumie, tenianu contu di a luna.

09-1837 Muria Filippu Buonarotti, u rivuluziunariu talianu chì in u 1790 si n'era venutu in Bastia è avia creatu u " Giornale Patriottico di Corsica ".

09-1828 Pè una pupulazione di 190 000 abitanti, ci era in Corsica 311 omi à a machja : - 39 in u circundariu d'Aiacciu - 94 in u circundariu di Bastia - 18 in u circundariu di Calvi - 99 in u circundariu di Corti - 61 in u circundariu di Sartè.

09-1797 Indì u dipartimentu di u Liamone urganizavanu una rivolta contr'à l'amministrazione francese.

09-1790 À u cunventu d'Orezza un'assemblea eletturale urganizava l'amministrazione di u dipartimentu.

09-1769 U Rè di Francia spartia a Corsica in nove ghjuridizzioni : Corti, Bastia, Aiacciu, Ruglianu, Oletta, Vicu, Sartè, Cervioni è Calvi. In ogni tribunale ci era un ghjudice, un procuradore è un cancellieru è, à parte da u 1771, un assessore civile è...

09-1763 Pasquale Paoli francava a foce di Vizzavona per urganizà l'amministrazione civile, ghjudiziaria è militare di e pruvincie pumuntiche.