Corse Net Infos - Pure player corse

"Itinérance" : quandu l'arte si transporte in i carrughu di Lumiu


Rédigé par Maria-Serena Volpei-Aliotti le Dimanche 9 Juin 2019 à 17:36

Cum'è ogni annu, mentre a duminicata allungatu di Penticoste, u bellu paese di Lumiu si veste di parechji culori. Ch'elli sianu attraversu pitture, zuccature o ritratti, l'arte in Lumiu si mette indè tutt'i so stati cù Itinérance. Dumenica u 9 è luni u 10, l'artisti saranu sempre per sti lochi.




Stu sabbatu l'8 di ghjunghju, hè statu inaugurata a quinta edizione d'Itinerance, l'appuntamentu immanchevule per tutti quelli à chì piace l'arte da vicinu o da luntanu, in u bellu paese di i lumi. 
Ma nanzu l'apertura ufficiale, ci vulia girandulà, ozià è spassighjà attraversu i carrughji magnifichi di Lumiu per scopre, sott'à una loghja o annant'à una tarrazza, cù Calvi in tela di fondu, l'espusizione d'unu di l'artisti prisenti. 
" Itinérance hè un festivale d'arte cuntempuraneu, cù un cuncettu uriginale. Tuttu si passe in e strette, indè i giardini, o belli lochi diversi di u paese, certe volte impristati da particulari," indicheghje Marlène Pujol, a presidente. 
Artisti lucali ma ancu internaziunali per certi, più o menu cunnisciuti, venenu vulinteri per quell'avenimentu. "Quist'annu, sò 26 à facci scopre e so opere, cù Antoine Pallavicini in cumpare". 
Di u latu di l'artisti, ghjè un piacè tamantu.  
" Participeghju dipò a siconda edizione. U cuncettu m'hà viramente piaciutu, aghju fattu belli scontri è ci permette in più, di riscopre u paese di Lumiu. Ghjè vera chì si passe spessu davanti senza mai piantassi. Dipò, aghju dinò integratu u scagnu urgansizatore" spieche Marcè Lepidi. 
Per Antoine Pallavicini, ghjè un azzione immanchevule. "Hè impurtante di sustene manifestazione artistiche chì artisti talentuosi sò parechji in Corsica. Ci vole à falli cunnosci è mustrà i so travaglii. Ghjè dinò strasurdinariu di pudè spone indè lochi uriginali, è ghjè piacevule di fà ancu participà a pupulazione cù l'imprestu di quelli lochi". 
À 8ore si sera, s'hè fatta dunque l'inauguration ufficiale d'Itinerance, in piazza di u paese. 
" Ghjè una bella riescita chì tocche u paese sanu. Tengu à felicitavvi chì ghè una manifestazione chì si scrive indè u nostru calendariu" hà compiu u merre Etienne Suzzoni. 
" Ringraziemu i nostri soci. A Casa Cumuna di Lumiu, Cap Corse Mattei, è Panetterie l'Amadeus, clos Culombu, è Marcellu Lepidi". 
Per l'edizione da vene, sempre per Pendicoste, e candidature si ponu fà annant'à a pagina Facebook di a présidente. 
 




A la une | L'actu régionale | Faits divers | Société | Justice | Economie














Newsletter




Galerie
Cadets de la Sécurité civile
Cadets de la Sécurité civile
I Piulelli
I Piulelli
Girandella di a lingua in Cervioni
Girandella di a lingua in Cervioni
Cambridge-air-Corsica
Cambridge-air-Corsica
Tournoi Fortune Lebras
Tournoi Fortune Lebras
Sainte Restitude
FC Balagne
U Soffiu di Balagna
Festa di U Veranu
Jeux des Iles
Sainte Restitude