Corse Net Infos - Pure player corse

I Santi : Santa Divota,Santa Anghjula Merici


Rédigé par le Dimanche 27 Janvier 2013 à 00:14 | Modifié le Dimanche 27 Janvier 2013 - 00:17


Divota hè a santa patrona di a Corsica è di a principalità di Monacu. Secondu vechji scritti, tradizioni è legende, eccu ciò chì pò esse a so storia: Divota serebbi nata nantu à l'attuale territoriu di a cumuna di Lucciana, in un locu chjamatu Querciu, à quattru chilometri da l'antica cità di Mariana, versu a muntagna.

Hè stata allevata da una balia cristiana è, cù d'altre cristiane, andava à pregà in a grotta di a Nepiticcia chì si trova accantu à u paese di u Borgu.


Era prutetta da un certu Ticchiu, patriziu è senatore. Tandu - simu à u principiu di u seculu Terzu - a Corsica dipendia da u prefettu rumanu di a Sardegna, chjamatu Barbaru.
Quandu Barbaru ghjunse in Mariana, dumandò chì omu li metti in manu i cristiani. Ticchiu ricusò è fù avvelenatu.
Divota more marturiata. Tandu, un prete è un diacunu arrubanu u so cadaveru, u imbalsameghjanu, u mettenu nantu à una barca per purtallu in Africa, ma una culomba guida a barca versu u portu d'Ercule, l'attuale Monacu, trà Nizza è Vintimiglia. È cusì hè stata sepolta culà.
À u XVIImu seculu, i Ghjesuiti di Bastia anu ottenutu qualchì reliquia di a santa.
In u 1731, i patrioti corsi in guerra contru à Genuva, aduniti in u cunventu di u Boziu, anu pruclamatu à Santa Divota prutettrice di u Regnu di Corsica.
U 14 marzu 1820, a Sacra Cungregazione di i Riti hà fattu di Santa Divota a Patrona principale di a Corsica, cù festa doppia è uttava.
Etimolugia : da u lat. devotus" ( fidatu, divotu).
Casate : Devoti.
Nomi: Devote, Divota, Divotu.
Paesi è cità : Monacu. In Corsica: Petranera.

Anghjula Merici hè una santa taliana nata in Desenzano in u 1474, morta in Brescia in u 1540.
Orfana à sedeci anni, bella è ricca, avia decisu di cunsacrassi à l'educazione di e zitelle. Passò trentacinque anni à amparalli a duttrina cristiana è po, cinque anni nanzu di more, riescì à creà un istitutu ch'ella dedicò à Santa Orsula. Nascì cusì a prima cungregazione insegnante d'Europa.
L'Ursuline eranu sore libere, senza nisunu ingagiamentu. Nè mancu purtavanu una vestura particulare cum'è l'altre sore. Ricevianu e zitelle in i so munasteri, è andavanu dinù à fà scola in e case.
Dopu à a morte d'Anghjula Merici, a Chjesa ubligò l'Ursuline à avè una disciplina... è una vestura.
Cf S. Anghjulu, 5 maghju.
Retrouvez l'émission I Santi sur Voce Nustrale du lundi au samedi à 10h30.




Dans la même rubrique :
< >

Jeudi 24 Juillet 2014 - 00:02 I Santi : Santa Cristina

Mercredi 23 Juillet 2014 - 00:49 I Santi : Santa Brigida.

L'actualité | Politique | Football | Sports | Culture | PAROLES | I santi | L'anniversari | Diaspora | iPhone | Avis de décès





Derniers tweets
Corse Net Infos : Julien Doré aux Nuits de la guitare : « J'ai tissé un lien poétique avec la Corse » https://t.co/iN0SKayimI
Dimanche 22 Juillet - 21:09
Corse Net Infos : L’ACA d’attaque ! https://t.co/54rhHEyolg https://t.co/pyq2jWu9Vx
Dimanche 22 Juillet - 16:16
Corse Net Infos : Championats du monde universitaire : Laetitia Feracci en bronze https://t.co/p0bu7tljXE https://t.co/Dls0SCd6vl
Dimanche 22 Juillet - 14:46
Corse Net Infos : L'incontournable " Bande à Part" à la Fiera di l'Alivu https://t.co/5TMpHAe3Dt https://t.co/OtIVe8cZZI
Dimanche 22 Juillet - 14:26



Newsletter






Galerie