Corse Net Infos - Pure player corse

Ghjuvan'Teramu Rocchi : L'hommage de Ghjuvan'Ghjaseppiu Franchi


Philippe Jammes le Lundi 5 Mars 2018 à 18:11

"Riposa in pace o Pueta" : c'est l'ultime message qu'adresse Ghjuvan Ghjaseppiu Franchi, (anzianu direttore di a rivista literaria Rigiru chì ne fù, Ghjuvanteramu, unu di i puntelli maestri) à Ghjuvan'Teramu Rocchi qui vient de s'éteindre. Hommage aussi in lingua nustrale du PNC



Ghjuvan'Teramu  Rocchi à l'Alb'Oru lors de l'inauguration de la salle qui porte son nom
Ghjuvan'Teramu Rocchi à l'Alb'Oru lors de l'inauguration de la salle qui porte son nom
GHJUVANTERAMU… O cumpagnò sia bella oramai a to strada, cum’ella fù di luce è à prò di noi tutti quella chì tu apristi è suvitedi senza smette mai… Eramu à l’Università d’Istate di Corti in lu 75. Tù eri u Maestru, vinutu cù i so scolari, à faci vede à noi tutti cum’elle si ponu suminà d’avvene l’anime zitilline : cù i zitelli, si ponu fà i miraculi ! Ma eri tù chì, cù quelli zitelli, facii i miraculi, o Ghjuvantè… Mi venenu sottu à l’ochji dui filari ch’e’ scrissi, anni passatoni, ammintendu quella epica : « […]


Carré, cadré, costaud, au physique comme au talent, le G.T. Rocchi que nous découvrions dans ces années là était un diseur d’âme. Un extraordinaire passeur de mots entre l’univers enfantin et le monde des adultes. Personne n’était capable de parler des enfants et aux enfants comme ce rural ! 
Di u pueta, aviamu coltu subitu u sussurru lebbiu : « state à sente u silenziu pisiu di i passi persi /chì passa… », l’aviamu intesi i to silenzii o Ghjuvanté, aviamu coltu a to mancanza d’urfanellu pà u sempre : « eri una giuvanotta / ed eiu un zitellucciu / ogni tantu dicii : alò, dà mi un basgiucciu ». Sarà forse iss’eterna dumanda toia chì ti fece, in vita sana, risponde à tutte e chjame è purtà in Corsica è in lu Mondu u ribombu altu è fieru di a Puesia d’un Populu. 
Riposa in pace o Pueta. 

Ghjuvan Ghjaseppiu Franchi, 
(Anzianu direttore di a rivista literaria Rigiru chì ne fù, Ghjuvanteramu, unu di i puntelli maestri)



PNC : O Ghjuvantè, à tè a Corsica Regina
L’entre marzu hà resu tristu L’Oretu è l’isula sana. Si n’hè andatu Ghjuvanteramu Rocchi. A Corsica di e lotte pienghje un gran’ pueta, u militente culturale, quellu puntellu maiò di a leva di u Settanta. 
 
Arricurdemuci  di u Maestru ch’ellu fù à prò di l’insignamentu di a lingua corsa.
Arricurdemuci dinò di a fede tamanta è di l’energia miraculosa di l’omu indiatu, da l’alba di u Riacquistu sin’à i tempi di l’oghje.
Guasi cinquant’anni d’indiatura, di scrittura è d’impegnu pè dà un avvene à a lingua in scola, da fanne propiu una lingua viva in bocca à i zitelli d’un Populu in mossa. 
Di stu tercanu, e puesie, e canzone, e filastrocche è l’estru empieranu per u sempre u tempu à vene è a nostra storia à custruì.
Senti U muvrinu, simu sbanditi, a fiaccula di a vita, Golu, i mei, è tant altre meraviglie ; senti sti canti ch’ùn volenu tace è facenu cantà tutti i figlioli di Cirnu. Chì u pueta ch’è tù sì ùn pò mai more, o Ghjuvantè.
À tè oghje l’umagiu è u salutu di l’omi è di e donne di sta terra.
Vai, pueta, è ch’elli ti sianu cuncessi a pace è u riposu in l’altu celu di Casinca. 
À tè a Corsica Regina, à ella tù. 


En vidéo l'une de ses dernières interviewes en… français