S’avvicina ? Demandava un amicu di i mei l’altru ghjornu. A dilla franca, ùn hè tantu pressatu. Ai vistu l’arburi ? I maestri di scole ch’approntanu e so tematiche nantu à e stagione sò belli pinserosi. Comu hè u culore di u vaghjime ? Umbèh ? Rispondenu i zitelli, verde…
Eiu, a vi dicu francu, ùn ci capiscu più nulla ! L’altru ghjornu, facia 29 gradii in Aiacciu, u sole spampillava. Tè, u zitellu avia un brisgiolu tamant’à un mondu… Zinzala. Spassighjendu, ci eranu furmicule, ape, vespe è vespone. E ancu, tenite vi bè, una bulabulella !
Certu, hè vera ch’è l’acqua è subbitu dopu u sole facenu cresce i funzi. Ci piace l’estate cù i so ghjorni allungati, l’apertivi pigliati in terrazza di qualchì caffè, e camisge aperte, code, tinute corte è « lighjere » per e donne (belle zitelli), iè và bè. Ma di nuvembre ? Masimu ch’è noi ci appruntemu à fiurisce e tombe di i nostri. Castagne, pocu è micca, bachi rossi… verdi o aranci, sciaminè spenti, climatisazione in modu « estate » (u fretu), arburi belli carchi à fronde verde, umbè, ùn ci più stagione !
Ancu in paese (500 metri d’altitudine) facia 24. U peghju, cù issu tempu capriciosu hè a polluzione è ancu i burrasconi chì ci falanu à dossu quand’ellu cummencia à piove. « Ottobre sente e castagne » cantava, trent’anni, u famosu gruppu, è « dicembre sente l’arancia ». S’ella cuntinueghja cusì, nuvembre senterà a ghjinestra, cresceranu i fiori di maghju, è dicembre senterà e fravule. S’affacca a Sant’Andria induve a tradizione dice ch’è i zitelli mascarati andavanu, vistuti di panni frusti à dumandà robba di stagione à a ghjente (noce, frutti passi, castagne, mele, nuciole, biscutti).
Cosu l’avemu à dà issi ghjovani, quest’annu ?
Umbè qualchì bombò, kinder, Nutella, treets, m and m’s. Ùn vi sciappete u capu !
Eppo, ferma un mese. Forse ch’è u tempu scambierà…
Eiu, a vi dicu francu, ùn ci capiscu più nulla ! L’altru ghjornu, facia 29 gradii in Aiacciu, u sole spampillava. Tè, u zitellu avia un brisgiolu tamant’à un mondu… Zinzala. Spassighjendu, ci eranu furmicule, ape, vespe è vespone. E ancu, tenite vi bè, una bulabulella !
Certu, hè vera ch’è l’acqua è subbitu dopu u sole facenu cresce i funzi. Ci piace l’estate cù i so ghjorni allungati, l’apertivi pigliati in terrazza di qualchì caffè, e camisge aperte, code, tinute corte è « lighjere » per e donne (belle zitelli), iè và bè. Ma di nuvembre ? Masimu ch’è noi ci appruntemu à fiurisce e tombe di i nostri. Castagne, pocu è micca, bachi rossi… verdi o aranci, sciaminè spenti, climatisazione in modu « estate » (u fretu), arburi belli carchi à fronde verde, umbè, ùn ci più stagione !
Ancu in paese (500 metri d’altitudine) facia 24. U peghju, cù issu tempu capriciosu hè a polluzione è ancu i burrasconi chì ci falanu à dossu quand’ellu cummencia à piove. « Ottobre sente e castagne » cantava, trent’anni, u famosu gruppu, è « dicembre sente l’arancia ». S’ella cuntinueghja cusì, nuvembre senterà a ghjinestra, cresceranu i fiori di maghju, è dicembre senterà e fravule. S’affacca a Sant’Andria induve a tradizione dice ch’è i zitelli mascarati andavanu, vistuti di panni frusti à dumandà robba di stagione à a ghjente (noce, frutti passi, castagne, mele, nuciole, biscutti).
Cosu l’avemu à dà issi ghjovani, quest’annu ?
Umbè qualchì bombò, kinder, Nutella, treets, m and m’s. Ùn vi sciappete u capu !
Eppo, ferma un mese. Forse ch’è u tempu scambierà…
Envoyer à un ami
Version imprimable
