Corse Net Infos - Pure player corse

Croneca : Un sguardu novu appena scherzosu…


Rédigé par Antone Astima le Dimanche 14 Août 2016 à 22:41 | Modifié le Mardi 16 Août 2016 - 08:29


Issa croneca settimanale svilupperà, à modu soiu, tutte e tematiche di l’isula : pulitica, attualità, attività spurtiva, cultura, ecunumia, ecc.. Un sguardu novu appena scherzosu, in lingua nustrale. Bona lettura à tutti


Attentati in Corsica : Periculu o bugia

Croneca : Un sguardu novu appena scherzosu…
L’attentati di Nizza u 14 di lugliu, è qualchì ghjornu dopu, a cunferenza di stampa di u FLNC (22 d’uttobre) anu messu, ci vole à dilla, un pocu di pressione in Corsica. E misure di rinforzu di a securità ùn andavanu micca, d’altronde, in u sensu di a « tranquillità » per noi altri corsi.
Bigletti di Kendji vinduti à bon prezzu da ghjente ch’ ùn ci vulianu più andà, ghjente ch’ùn adavanu più à u mare, in i « super mercati », i i spazi maiò, imami lampati fora in Balagna, qualchì « scimità » à diritta è a manca, avanzemu à pocu à pocu è senza sapè la, ind’una spezia di « sindrome » , a  sapete issa paura chì si sparghje da per tuttu è chì ci spavinteghja…
Tandu, chì ci tocca à fà ?  Fighjulà di traversu tutti quelli ch’avarianu u « prufilu » di terruristi (barbuti, vistiti longhi, cappellu stranu nantu à u so capu…), mette tuttu u mondu in a li stessa paghjola, basta ch’elli sianu « figlioli di u prufettu » (da capisce musulmani), aspettà ch’ellu ci casca u « celu in capu », palisà u tale o u tale cum’è unu di i schedati S, stà insarratu in casa soia ?
Ùn la so à dilla franca !


L’affare di u 24 di dicembre (è micca quella di u ghjornu dopu, sviluppata à l’usu di u Guvernu cù a terminulugia « corsi=racisti », era qualcosa di minoru, fattu da ghjovani persi o natu da a vulintà di qualchì gattivu « imamu » sughjettu ?  
U fattu hè, ancu s’è a minaccia esiste – i « scemi di di Diu » sò in d’u mondu sanu è crescenu cum’è machja in muntagna - ch’avemu una prupensione, in Corsica, à fà ne appena di più ch’è di rasgiò. Un pocu à l’usu di quellu Marsegliese ch’avia, tempi fà, tappatu u portu di Marseglia c’una sardina.
Avemu sceltu, hè vera, di fà la, iss’attualità « sensibile » à modu nostru. C’un sguardu « scherzosu ». Ùn c’impedisce micca di pinsà à l’avvene, à u peghju, d’avè paura per i nostri. E di sperà, ma n’hà da corre, nanzu, acqua sottu à i ponti, à un avvene più lindu…



Livres | Musique | Evènements | Lingua corsa | Cuisine