« Hè nivatu in u rughjone, guanti, sciarpa è barettinu, ci faremu un bellu barone, buccia à buccia, pian’pianinu. » Eccu a bella puesia amparata un annu fà, da u figliolu di u me amicu. Po, a cunnosce in punt’è virgula ! Ma, v’aghju da dì, dapoi una settimana, u sonniu di fà une bellu barone (fora di cullà sin’à Vizzavona), diventa una realità. Arimane, sò surtitu à spassighjà cù u me ghjacaru.
Facia un fretu, chì si secchia da veru. Eppo, manc’un fiatu. Trafficu in cità, pocu è micca, scole sarrate, è, in fondu, e muntagne vistute d’un bellu mantellu biancu. Foru, tuttu u mondu cù sciarpa, guanti, barettinu è belle affare.
Mi si parse d’esse vultatu di ghjennaghju u 1985 quand’a neve s’era invitata ancu in Aiacciu.
Tè, mi ramentu ch’è e butteghe d’articuli di sport, ùn avianu più nulla da vende. Mancu un paghju di stifali di schì ! Quand’affacca a neve in Aiacciu, pudemu fà una croce. A volta nanzu, eru sempre sculare di CM2 (1970) è quì, colpu di sculiscella.
Hè vera, ci face sunnià a neve, masimu à noi altri corsi abituati à piglià u sole cum’è bugiardule.
Tè, vi ramintate c’hè, di nuvembre, certi andavanu sempre à ciuttà si. Ma stu fretu quì, oimè. 0 gradii l’altra matina in Aiacciu. U sole, sì, ma ùn avia mancu u tempu di scaldà ci.
A u me amicu, li facia pensà à e so vacanze in Suizza. Neve quì, neve cullandi, fiocculi à diritta, fiocculi à manca. Hè bè, hè bè, dicia l’altri ma, in i cumerci, poca ghjente, in i caffè, contanu l’ore, eppuru ùn sò mica tutti cullati in Ese o Ascu.
In i paesi, o ghjente, neve à pacchittata, a me nipote, ùn pudia mancu apre a so porta ! E attenti, ch’è a meteò ci anu dettu di stà pianamentu è bè in casa.
Allora, un sonniu zitellinu iè, ma un ghjornu o dui. Quì, cù issu timpacciu pare tuttu, cum’ella dice a canzona, « avvene chjosu ». D’estate si more, ùn si ne pò più, quì si secca ! Forse ch’è trà i dui, avemu da truvà qualcosa.
Dui mesi à tene è affacca veranu…
Facia un fretu, chì si secchia da veru. Eppo, manc’un fiatu. Trafficu in cità, pocu è micca, scole sarrate, è, in fondu, e muntagne vistute d’un bellu mantellu biancu. Foru, tuttu u mondu cù sciarpa, guanti, barettinu è belle affare.
Mi si parse d’esse vultatu di ghjennaghju u 1985 quand’a neve s’era invitata ancu in Aiacciu.
Tè, mi ramentu ch’è e butteghe d’articuli di sport, ùn avianu più nulla da vende. Mancu un paghju di stifali di schì ! Quand’affacca a neve in Aiacciu, pudemu fà una croce. A volta nanzu, eru sempre sculare di CM2 (1970) è quì, colpu di sculiscella.
Hè vera, ci face sunnià a neve, masimu à noi altri corsi abituati à piglià u sole cum’è bugiardule.
Tè, vi ramintate c’hè, di nuvembre, certi andavanu sempre à ciuttà si. Ma stu fretu quì, oimè. 0 gradii l’altra matina in Aiacciu. U sole, sì, ma ùn avia mancu u tempu di scaldà ci.
A u me amicu, li facia pensà à e so vacanze in Suizza. Neve quì, neve cullandi, fiocculi à diritta, fiocculi à manca. Hè bè, hè bè, dicia l’altri ma, in i cumerci, poca ghjente, in i caffè, contanu l’ore, eppuru ùn sò mica tutti cullati in Ese o Ascu.
In i paesi, o ghjente, neve à pacchittata, a me nipote, ùn pudia mancu apre a so porta ! E attenti, ch’è a meteò ci anu dettu di stà pianamentu è bè in casa.
Allora, un sonniu zitellinu iè, ma un ghjornu o dui. Quì, cù issu timpacciu pare tuttu, cum’ella dice a canzona, « avvene chjosu ». D’estate si more, ùn si ne pò più, quì si secca ! Forse ch’è trà i dui, avemu da truvà qualcosa.
Dui mesi à tene è affacca veranu…
Envoyer à un ami
Version imprimable
