Lavatoghju : U lamentu di u fornu

Natu à tempu lu paese, mi so messu à travaglià
Quelle done affaciendate si so messe à infurnà
Un ' era tempu ti riposu ne mancu di rifrità

In'ssu tempu passatu nascia pè isse strette
Parfume di u pane cottu è ancu si mucchette
Ch'aspitavanu in pacienza zitellini è zitellete

Ma c'avaraghju fattu à quelle paisolu
D'avemi masciatu tantu tempu è senza focu
Più mancu un 'infurtunata ne di pane ne di chjarchjolu

Mi so spentu pianu panu chi più nimu à fianc'à mè
Per accende quellu focu chi facia tantu bè
Abbanduantu da i mei o Signore mi rimettu à tè

In quelle annate sessanta so statu cundanatu
Hè vera chi stu fattu l'omu l'avia programmatu
Maladettu quellu ghjornu quand'elli m'hanu bastatu

Ci hè vulsutu una manata di ghjente appassiunate
Di storie usi è pratiche tradiziunale
Per fà rinasce in paese u fornu cummunale

Ighje hè ghjornu benedettu rimbividcu cù l'onte
Annant' à sta piazzetta di tuttu lu mio splendorSupraneghju à Lavatoghju cù tuttu lu vostru amore.

Francescu Croce