Per voi, incù voi in ogni locu - l’info corse en libre accès

11-1941 Petru Giovacchini era fattu cunsiglieru naziunale d'Italia da Mussolini.

11-1940 À a fine di nuvembre, muria Ghjuvanni Chiappe, anzianu prefettu di pulizza di Parigi, fattu da Pétain imbasciadore in Siria.

11-1905 Una cumunità anarchista si stabilia in Cugnoculi.

11-1833 Muria prete Antone Bonavita, anzianu cappellanu di Napulione in Santa Lena.

11-1814 Principiava u cungressu di Vienna. Si parlò di rende a Corsica à a Liguria, vene à dì, tandu, à u Regnu di Piemonte Sardegna. Pare chì Carlu Andria Pozzu di Borgu è i pleniputenziarii francesi serebbinu stati d'iss'avisu, ma l'Inglesi si sò opposti.

11-1806 Carlu Andria Pozzu di Borgu pruvava, senza riesceci, di scunvince l'Austria d'adunissi à l'Alemagna è a Russia contr'à Napulione. 

11-1541 Carlu Quintu, imperatore d'Alemagna, vultendu d'Algeri, si cansava in Bonifaziu.

10-1979 Escia u libru di Louis Panassié è Laurent Verdeaux : " L'âme corse ".

10-1988 Era finitu di stampà u libru di Santu Griffi è Lurenzu Preziosi : " Première mission en Corse occupée, avec le sous-marin Casabianca ".