Corse Net Infos - Pure player corse

U Riacquistu di Portivechju : "Hè tempu d'un cambiamentu maiò in Corsica !""


Rédigé par le Samedi 9 Juin 2018 à 23:03 | Modifié le Samedi 9 Juin 2018 - 23:14


"A difesa di tutti i patriotti imprighjunati hè unu di i punti chi avemu fattu valè à a maghjurità cumunali attuali" dice U Riacquistu di Portivechju


U Riacquistu di Portivechju : "Hè tempu d'un cambiamentu maiò in Corsica !""
Ci arricurdemu ch'issa maghjurità ha presu in contu a noscia rivindicazioni di avvicinamentu di l'imprighjunati in tarra noscia . Hè u drittu chi  i guverni francesi hani ricusatu à monda pà anni è anni. Ha fattu dinò soia a dumanda d'amnistia comu parechji cumuni di Corsica.
Issa dumanda d'amnistia s'appoghja nant'a vulintà d'intraprenda una nova tapa d'appacciamentu par a Corsica.
U Riacquistu di Portivechju sparti sta vulintà d'appacciamentu, dumandandu à tempu a missa in ballu d'una soluzioni pulitica chi ricunosci i dritti naziunali di u nosciu paesu.
A cuntinuità di a riprissioni francesa, ch'idda sighi par via di l'incarcerazioni, l'impussibilità imposta d' essa vicinu à i soi, l'isulamentu in tarra straniera, o par via di sfarenti prissioni nant'à anziani prighjuneri pulitichi moscia bè, malgradu calchi atti, chi u Statu ùn cambia tantu di pulitica ...
Da qui à pocu ci sarà un altru prucessu. 
U Riacquistu di Portivechju manda u so sustegnu fraternu à tutti i militenti e simpatizzanti cuncirnati. 
U Riacquistu di Portivechju dumanda à a maghjurità cumunali d'appughjà incu noscu a rivindicazioni d'appacciamentu è di soluzioni pulitica incù l'amnistia di tutti i patriotti imprighjunati e ricircati.

  Tocc'à u guvernu francesu attuali à piddà in contu a rialtà di u fattu naziunali corsu e à adduprà una nova pulitica chi allarga tutti i nosci incarcirati e chi a faci finita  incù i parsicuzioni ghjudiziari e pulizieri.
Hè tempu d'un cambiamentu maiò in Corsica !"




Dans la même rubrique :
< >

Lundi 12 Novembre 2018 - 22:00 L'Adec s'installe à Porto-Vecchio

Dimanche 11 Novembre 2018 - 21:57 Porto-Vecchio à l’heure du souvenir

A la une | L'actu régionale | Faits divers | Société | Justice | Economie