U Riacquistu di Portivechju : "Chi l'annu 2017 purtessi l'assicurenza di un andatura di paci"

Sbucca l'annu 2017 chi porta à tempi l'auguri di felicità par tutti i famiddi è a paura di ciò chi sarà dumani...

Pà contu soiu U Riacquistu di Portivechju spera par tutti e ugnunu chi st’annu novu parmittarà a tutti i purtivichjacci, e al di là à tutti i corsi ch'idda s'apprissi à longu andà un andatura di spannamentu naziunali e di ghjustizia suciali. Ch'idda s'aprissi dinò un andatura di rigulamentu puliticu incù a ricuniscenza di pudé scedda u nosciu avvena. Infini chi oramai a riprissioni pulitica francesa si piantessi e ch’idda si mittissi in ballu l'amnistia pà tutti i nosci prighjuneri e machjaghjoli. Chi l'annu 2017 purtessi l'assicurenza di un andatura di paci !