Corse Net Infos - Pure player corse

Tredicesima ghjurnata mundiale di a Corsica : u ricordu d’Edmondu…


Rédigé par Vincent Marcelli le Mercredi 9 Janvier 2019 à 20:06 | Modifié le Mercredi 9 Janvier 2019 - 20:19


Issu nove di ghjennaghju, i Corsi di u mondu sanu, festighjeghjanu a ghjurnata di a so isula cara. L’occasione, postu chè issa manifestazione hè nata da l’Associu « Corsisa Diaspora », di rende umaggiu à u so fundatore, Edmondu Simeoni, sparitu un mese fà…


In Corsica t’avemu unepochi di date diciaremu « famose ». U nove di maghju (Ponte Novu), l’ottu di settembre (A Santa), l’ottu di dicembre (festa di a Nazione), u quindeci d’aostu (nascita di Napuliò…) è tanti altri chè i persunaghji monda cunnisciuti ùn mancanu micca : Letizia Casta (attrice), Tino Rossi (cantadore), Jean-Luc Ettori, Pasquale Olmeta (ghjucadori di ballò), Charles Pasqua (omu puliticu), Fred Scamaroni (resistente) è tanti altri…
Eppuru, ci saria una data, menu cunnisciuta quessa quì. Ghjè quella di u nove di ghjennaghju : a ghjurnata mundiale di a Corsica. Ùn pensate mancu una seconda chè u Corsu t’hà un « ciarbellu » appena più maiò chè l’altri, o ch’ellu si pigliaria pè u « centru di u mondu » (benchè a Corsica saria, di manera geografica piazzata piuttostu à u centru di a pianetta. Ma…
Innò, a ghjurnata mundiale, vale à dì, a ghjurnata di tutti i Corsi di u mondu sanu. |E s’è no semu una « manata » ind’è noi (330000 una gocce d’acqua), sariamu più…d’un milionu in tutta a pianetta. Tandu si capisce megliu l’andatura di l’associu « Corsica Diaspora » quand’ellu fece issa ghjurnata, tredeci anni fà.
Cusì, è dapoi a so nascita, l’associu cerca à sviluppà è sustene, aldilà di l’isula, prughjetti diversi, sulchendu, cù « les amis de la Corse » ch’ùn ci vole micca à sminticà, un estru cumunu….Paesi, mare, muntagne, persunaghji famosi, debatiti, cunferenze, attelli, ci hè, ogni volta, una tematica particulare.
Ma, à dilla franca, issa edizione quì, ùn pudia chè esse dedicata à Edmondu Simeoni, sparitu un mese fà. Ghjè ellu chì fù à l’origine di l’associu, di a ghjurnata mundiale, chì messe a prima petra d’un edifiziu, dighjà abbastanza maiò.
A sapemu dunque, chè e testimunianze ùn mancheranu micca à l’occasione di a tredicesima edizione. È ghjunghjeranu da monda paesi di a pianetta induve elli campanu sempre i Corsi : Spagna, America Latina, Auropa.... Per rende, à iss’omu di valore, d’umanità è di pace, l’umaggiu ch’ellu merita. Senza sminticà, dinò, di cuntinuà a so opera…




Dans la même rubrique :
< >

Lundi 24 Décembre 2018 - 15:08 "Trà lu boiu è lu sumere", un cantu natalescu...

Livres | Musique | Evènements | Lingua corsa | Cuisine