Corse Net Infos - Pure player corse

Rivista di stampa


Rédigé par le Jeudi 4 Avril 2013 à 01:25 | Modifié le Jeudi 4 Avril 2013 - 02:18



Rivista di stampa
CTC
2013-04-03 18:03:54
A Cullettività Territuriale di Corsica hà publicatu oghje u valore di suvvenzione ch’ella paga à l’associ corsi. In tuttu, quasi 30 milioni d’euri sò stati dati à 906 associ in u 2012.

Pulitica è sucietà


Portu di Calvi
2013-04-03 17:05:40
Nant’à u portu di Calvi, a ghjente hè in zerga è impenserita per via d’un arrubbecciu di materiale è danni nant’à dui battelli. Trè lagnanze sò state dipusitate à a gendarmeria.

Detti è fatti

Greva di i laburatorii d'analisi medicale
2013-04-03 15:06:15
Dapoi sta mane, i laburatorii d'analisi medicali di Corsica facenu a greva cum’è l’altri laburatorii di Francia pè prutestà contr’à a calata di e so tariffe chì hè prevista à parte da u 17 d’aprile. In più, i laburatorii di Pumonte, di Balagna è di piaghja orientale chjudenu ogni dopu meziornu, è forse serà cusì à mumenti pè i laburatorii bastiacci. Infine, ci puderebbe esse una ghjurnata sana di chjuditura pè certi laburatorii sì e rivindicazione ùn sò micca suddisfatte. 
Salute

XL Airways
2013-04-03 11:47:38
Dopu Aiacciu è Figari, a cumpagnia XL Airways hà da inaugurà a linea regulare Bastia-Parigi Charles De Gaulle u 20 di ghjugnu è, dunque, ci serà più di 100 000 pusatoghji pè a destinazione corsa.
Trasporti

Impieghi d'avvene
2013-04-03 11:46:42
Eri, in Aiacciu, sò stati signati i novi impieghi d’avvene cù i novi travagliadori. L’occasione di presentà u dispusitivu è l’ogettivu hè di sbuccà nant’à un impiegu à longu andà.
Pulitica è sucietà

Reunione di l'ODARC
2013-04-03 11:46:13
Eri, ci era una reunione di l’ODARC in Aiacciu cù pulitichi è prufessiunali pè l’orientazione strategiche nant’à l’agricultura, u sviluppu rurale è a furesta. Un travagliu da fà in u quadru di a futura pulitica agricula cumuna è u PADDUC pè presentà dopu un documentu à l’assemblea di Corsica, cù Jean-Louis Luciani, u presidente di l’ODARC.
Agricultura

Arrubbecciu
2013-04-03 11:23:42
Eri sera, ci hè statu un arrubbecciu armatu in un magazinu di tabaccu è di stampa, in Petranera. Un si sà quantu soldi sò stati arrubbati.
www.adecec.net



Livres | Musique | Evènements | Lingua corsa | Cuisine