Per voi, incù voi in ogni locu - l’info corse en libre accès

01-1881 Escia u primu numeru di u "Bulletin de la Société des Sciences Historiques et Naturelles de la Corse", bigliettinu chì esiste anch'oghje.

01-1870 In Parigi, interravanu Victor Noir, tombu da u principe Petru Napulione Bonaparte da una rivolverata. À l'interru stritavanu "Eviva a Republica", "Morte à i Bonaparte".

01-1853 Muria l'avucatu Petru Paulu Pompei, figliolu di Paulu Pompei, amicu è parente di Pasquale Paoli. Avucatu in Aiacciu, procuratore in Corti durante i Centu ghjorni, sottu prefettu di Calvi, prefettu di l'Yonne, di l'Eure-et-Loir, di u Tarn-et-Garonne....

01-1835 Carlu Andria Pozzu di Borgu era fattu imbasciadore pè a Russia in Londra, dopu à esse statu 20 anni imbasciadore di Parigi.

01-1835 À a merria di Cervioni, l'atti di u Statu Civile eranu scritti in francese pè a prima volta.

01-1830 Balzac scrivia "La Vendetta".

01-1810 Napulione mandava in Corsica u senatore Casabianca per fà un'inchiesta nant'à u guvernu in dittatore di u generale Morand.

01-1810 Napulione mandava in Corsica u senatore Casabianca per fà un'inchiesta nant'à u guvernu in dittatore di u generale Morand.

01-1794 3 ufficiali superiori corsi eranu cundannati à morte da u tribunale rivuluziunariu è ghigliuttinati.