Corse Net Infos - Pure player corse

Appuntamentu per i rè è e regine in Marcassu


Rédigé par Stella CIANI le Dimanche 14 Janvier 2018 à 08:55 | Modifié le Dimanche 14 Janvier 2018 - 09:16


Eranu più d'una cinquantina à ritruvassi in stu dopu meziornu in u bellu cunventu di Marcassu, ingiru à une poche di galette di i rè.


Appuntamentu per i rè è e regine in Marcassu
Stonda d'amicizia è di spartera urganizata da l'associu "Les amis de Marcassu". Di fatti parechji membri è amichi d'issu locu sacru sò vinuti da tutti i paesi di u circondu, tal chì Curbara o Calinzana.
" In Marcassu si vene da tutt'a Balagna " hà precisatu Mirelle, anghjulu custodiu di Marcassu. " Avemu urganizatu stu scontru per cuncoglie i soci mà dinò per fà cunnosce u cunventu à quelli ch'ùn lu cunnoscenu micca". 

Frà l'invitati, ci era Charlotte Cunèo Calinzaninca è centinara. " Sò sempre stata in a mossa franciscana. Eppò sò di u paese di u Bernardin Alberti*. Ghjè una bella stonda fraterna". 



S'hè scontru dinò una coppia di Scandinavi Finlandese, chì giranu u mondu sanu in bissiclette, allughjatu da Mireille per calchì ghjorni. Ùn viaghju ch'hà da durà à pocu pressu quattr'anni è mezu. 

" Ghjè un locu maravigliosu. L'avemu trovu via à calchissia di Sant’Antuninu. Simu cuntenti d'avè lu scupertu".  
L'associu" Les amis de Marcassu " conta oghje più d'una centinaia di membri. "Per pudè cuntinuà à fà campà u cunventu, benevuli è soci sò i benvenuti" hà ramintatu Mireille. 

---
Cuntatti : amicu-marcassu@orange.fr

0677239837%2077%2023%2098%2037  
----

*U venerabile prete Bernardin Alberti, natu in Calinzana in u 1591 mortu in Marcassu in 1653.






Dans la même rubrique :
< >

Samedi 15 Décembre 2018 - 15:59 Rallye de Balagne : Pascal Trojani reprend son bien

Livres | Musique | Evènements | Lingua corsa | Cuisine