"Vindetta di u Statu" : L’Associu Sulidarità palesa "u trattamentu speciale " riservatu à i prigiunieri pulitichi corsi

"L’esempii ùn mancanu" dice Cathy Bartoli, presidenti di l'associu chì hà evucatu u casu di Pierre Alessandri, in detenzione dipò 20 anni, chì s'hè vistu ricusà l'accunciamentu di pena è u trasferimentu in a prigiò di u Borgu.
Pierre Alessandri hè sempre iscrittu annant'à u rigistru di DPS, "di manera inghjustificata".

 

Per i militanti, a strategia di u Statu francese indè quelli cartulari, hè quella di l'infracicamente è di l'attizzu di pettu à a Corsica, attraversu u trattamentu abbuchjatu à i prigiunieri. " Hè chjaru chì i prigiunieri sò pigliati in ustagi da u Statu chì addestre cusì un mezu di pression annant'à u muvimentu naziunale" affirmeghje Cathy Bartoli. L’associu incauseghje u Statu di furmatà e tensione trà Parigi è a Corsica. " Ci hè una vulintà d'attizà a di l'intestu".

 

Forti di l'ultime vittorie ottenute annant'à i cartulari FIJAIT è FINISADA, Sulidarità è i so avucati ùn volenu cappià nulla, cuntinuendu u so cumbattu per a ghjustizia è a libertà di i prigiunieri corsi.
Sò pronti à risponde à u Statu, attivendusi per un'internaziunalisazione di a quistione è per una mubilisazione pupulare di massa.