Terzu FestiValli di u Prunelli in Tolla : Mantene un spiritu campagnolu

Dapoi a so creazione di maghju u 2015, l’associu culturale di u Prinelli s’impegna monda. A u so capu, Mattea Casalta chì cerca, cù l’altri membri, à sviluppà una dinamica in i paesi di a valle : Tolla, Ocana, Eccica è Suarella, Bastelicaccia è ancu sin’à Bastelica… »U scopu, spiega a presidente, hè di fà campà i nosci rughjoni. In ogni vaddi, ci sò ghjenti chì cercani à mantena un certu sa pè fà (artisgiani, pruduttori. Sò monda alluntanati da e cità. Per noi u scopu era à l’iniziu di mantena u spiritu campagnolu. »
Ghjè per quessa ch’è l’associu messe in piazza, in u 2016, u primu festivale di u Prunelli. Cù gruppi o cantadori è versi diversi : tradiziunale, jazz, flamenco…
Dui anni dopu, l’associu hà fattu a so strada. « Vulemi mantena u spiritu di i nosci vechji è, à tempu, essa aperti ver di u mondu. »
Cusì, è per a terza edizione, Mattea Casalta è a so squadra anu sceltu trè tematiche diverse :
Elixir, una squadra di musica classica, Casablanca Drivers per u rock è a Filetta chì hà accettatu di vene purtà a so petra à issa demarchja.
“Una demarchja à longu andà chì speremi, pudarà mantena un spiritu campagnolu ind’i nosci paesi. Di sicuru, issu festivalli ùn hè solu quellu di Todda ma si scrivi inu spiritu d’una vaddi sana cù parechji manifestazioni, d’estati ma sopratuttu d’inverni. »