"A simana di a spartera" à u Cullegiu di Moltifau

À l’uccasione di a festa di a Sant’Andria, u cullegiu di Moltifau cù l’associu paisanu "E stelle moltifinche", hà urganizatu " A simana di a spartera " da u 25 à u 29 di nuvembre di u 2019. I sculari è u persunale di u stabilimentu anu arricoltu robba da manghjà, libri è ghjochi à prò di l’associu « Les restos du cœur » di Corti.
Stu vennari a presidente di l’Associu moltifincu, Madama Vanina Grisoni, hè vinuta in cullegiu per ringrazià i sculari chì avianu messu in piazza a racolta à nome di madama Lucciani direttrice di l’associu caritativu curtinese.
Fù una bella sperienza chè no circheremu di mette in piazza quist ‘annu chì vene
" Evviva Sant’Andria" !!!