Corse Net Infos - Pure player corse
Corse Net Infos Corse Net Infos

CorseNetInfos

Les brèves

L'umaghju di I Patriotti à Stefanu Leca  20/10/2020

Stefanu Leca hè statu tumbu à tradimentu...
Quiddi chi si so resi rispunsevuli d'issu novu attu barbaru sapiani du sicuru chi u nosciu frateddu era monda cunisciutu è stimatu par i so valori, a so ghjentilezza, a so bravura e u rispettu ch'iddu purtaia à tutt'ugnunu. 
Stefanu era un babbu di famiglia chi vulia bè assai assai à a so moglia e i so ziteddi. Stefanu tinia à a so tarra, a so cultura e u so populu. N'avvia pagatu u prezzu essendu incarciaratu par parecchji anni in Francia.
Era infini unu di nosci aderenti, monda ingaghjiatu in a difesa di i dritti di tutti i prighjuneri pulitichi e di tutti l'anziani prighjuneri pulitichi.
Stefanu era un militenti storicu di a Lotta di Libarazioni Naziunali. Quiddi chi l'hani cacciatu a vita a sapiani bè...
Tocc'à ugnunu di pidà in contu 'ssu chjaruscuru chi infracicheghja a sucità corsa. Par contu nosciu raminteremu avali a parola di Stefanu : " Un cappiemu nudda !"
Avali sò tempi di dolu e di raccugliamentu. Prisentimu à tutt'a so famiglia, à a so moglia Lucia, i nosci cundulianzi afflitti. 
Dumandemu à ogni patriottu di vena à renda umaghju à u nosciu frateddu.
Prighemu tutti parchi a so anima ripusessi oramai in paci in l'eternità di Diu.