Carlinu Orsucci si n’hè andatu à impruvisà incù u Signore
S’hè spenta a voce di u pueta tallunincu, unu di l’ultimi tercani di a puesia impruvisata corsa, u chjami è rispondi, ch’ellu cunsiderava cum’è un donu di natura è un ghjocu. Passiunatu, stuzzicaghjolu è erede d’una tradizione canterina arradicata à u so paese è à a so famiglia, Carlinu hà passatu a so vita à fà nasce rime per paesi, fiere è tundere, sempre guidatu da una musa chì solu quelli chì anu intesu i vechji cantà ponu cunnosce. U so versu particulare firmerà sempre in i cori di quelli chì l’annu cunnisciutu è simu sicuri chì da quassù, Carlinu cuntinuerà d’imbalsamà u paradisu d’estru paisanu è di puesia.
« A poesia hè un ghjocu
Chì quand’ellu si principia
A sai cum’ella hè
Unu cù l’astru stuzzica
Eo fendu stu ghjocu
Passerebbi a mio vita »
Carlinu raghjunghjerà a terra di Tallone dumane à cinque ore in chjesa di San Cisariu. Ch’ellu riposi in santa pace.
Presentemu e nostre parte à a famiglia d’issu gran’pueta.
-
La Haute-Corse placée en vigilance jaune orages
-
Ajaccio : circulation modifiée entre la place du Diamant et le front de mer jusqu'au 1er juin
-
Incendie dans un café de Bastia : une enquête ouverte pour “destruction par un moyen dangereux”
-
Bastia : incendie dans un café de la place Saint-Nicolas
-
A màghjina - Ortu suspesu trà celu è mare
Envoyer à un ami
Version imprimable
