Corse Net Infos - Pure player corse

Saveriu Luciani : "A lingua face Nazione, face!"


Rédigé par Nicole Mari le Dimanche 15 Mars 2015 à 21:30 | Modifié le Dimanche 15 Mars 2015 - 22:26


Lors de la session de l’Assemblée de Corse (CTC), vendredi dernier, le plan Lingua 2020, présenté par Pierre Ghionga, conseiller exécutif en charge de la langue corse, a été brutalement retiré en plein vote des amendements par le président de l’Exécutif, pour manque de majorité suffisante, après le rejet d’un amendement communiste. Cet amendement voulait abaisser le niveau requis de langue de C1 à B2. Femu a Corsica, estimant qu’il s’agissait d’une régression par rapport au statut de coofficialité votent contre, suivi par la droite et la Gauche républicaine. Saveriu Luciani, conseiller territorial de Femu a Corsica, explique et défend la position des Nationalistes modérés, dans une intervention in lingua nustrale, tire la sonnette d’alarme et plaide pour une démocratie linguistique.


Saveriu Luciani, conseiller territorial de Femu a Corsica, conseiller municipal de Ghisonnacia, professeur de Corse.
Saveriu Luciani, conseiller territorial de Femu a Corsica, conseiller municipal de Ghisonnacia, professeur de Corse.
Stetima, l’Assemblea di Corsica hà cuntrastatu nant’à u cartulare di a lingua corsa. Petru Ghionga hà spostu l’ogettivi, l’azzione è i mezi di u pianu « Lingua 2020 ». Femu a Corsica hà fattu valè a so analisi di a situazione è e primure per dumane.
 
Una decisione spripusitata è periculosa
Rivindicazione storica di u naziunalisimu, oramai spartuta da a maiò parte di a sucetà corsa, u raportu hè statu ritiratu da l’Esecutivu mentre ch’ellu era vutatu u primu amendamentu (di u fronte di manca).  
L’avemu detta : a decisione di l’Esecutivu Territuriale ci pare più chè periculosa. Ùn feremu altri cumenti s’ellu ùn hè per turnà à dumandà u ritornu di u raportu à a sessione d’aprile di l’Assemblea di Corsica.   
 
Porte chjose in Parigi
Intantu, da favvi capace è da sparghje l’infurmazione, feremu à l’accorta unepoche d’usservazioni nant’à a situazione, prima di pettu à u blucchime pariginu :
- « porta chjosa di marchjone » in Parigi : u Statu s’oppone più chè mai à a riforma custituziunale ch’ellu impreme di strappà è dà cusì à a lingua un statutu ufficiale.
- Nisun’avanzata inquant’à a ratificazione di a Cartula Auropea di e lingue minuritarie o regiunale malgradu u votu storicu di di l’Assemblea Aurupea,  l’11 di settembre di u 2014 (645 voti à prò, 26 contru è  29 chì s’eranu astenuti). 
- Ricusu di creà un’agregazione di Lingua è Cultura Corsa
- Pocu laziu è micca avviu da a parte di u ministeru per ciò chì tocca à a migliurazione di a situazione di u corsu in l’Educazione.
 
Munulinguisimu di Statu innò ! solu a Demucrazia linguistica !
À Parigi chì ci impone dipoi sempre a so scola cù u so munulinguisimu di Statu, li turnemu à dì ch’ellu seria più chè ora di mette in ballu a pulitica ch’elli aspettanu i corsi, à nome di a demucrazia linguistica !
À l’accorta torna, ch’ellu ci sia cuncessu di palisà a debulezza è l’incertezza per u seguitu ; Ùn ci hè chè da piglià duie misure di u prugettu di riforma di i cullegi spostu ghjorni passatoni da a ministra di l’Educazione :
- L’inglese entre in forza in e scole elementarie (corcie filiere bislingue …)
- I sculari attaccheranu a lingua seconda à partesi da a quinta (sin’à oghje era in quarta). Videremu i danni, in quà è in là, per l’insignamentu di l’ozzione « lingua corsa »…
Vogliu vene à dì chì ùn basterà a murfina bugettaria, ch’ellu s’aspetterà – sin’à quandu ? – d’accimà l’ogettivi di generalisazione è e prime prove d’immersione.
 
S’aspetta una glottopulitica dinamica !
Inquant’à u pianu « Lingua 2020 », chì palesa aspetti interessantissimi, ma induve no truvemu à buleghju misure chì si ponu piglià subitu è dispusitivi ch’ùn si ponu avvià senza cuufficialità, abbisogna à migliurallu per dà capu bonu à u scopu di salvezza è di prumuzione linguisticu.
Nant’à u dibattitu di stu venneri  marzulinu,  di pettu à quelli chì ricusanu l’ufficialità (a diritta è a « manca republicana »), à quelli chì mettenu sopr’à tuttu in risaltu capatoghji finanziarii, à certi chì mettenu in causa e cundizione di u ricutamentu prupostu in u raportu di l’Esecutivu, valè à dì un cuncorsu solu nanzu à u 2020 cù un livellu di cumpetenza C1 in lingua corsa), Femu a Corsica oppone l’urgenza d’una strattegia territuriale à prò d’una glottopulitica dinamica.
 
Decisione forte per u frattempu !
A situazione dannifica cumanda di piglià decisione forte.  Cusì ch’ellu ci tocca à creà, à cortu andà, un uffiziu di pianificazione linguisticu è culturale à usu catalanu o bascu. . D’altronde, ùn si pò ristringhje u capatoghju linguisticu à qualunque gestione finanziaria.
Di listessa manera, prupunimu unepoche di currezzione. Per indettu :
- U  famosu Cunsigliu di a Lingua ( Accademia di i vagabondi …) stallatu l’8 di dicembre di u 2012 ? Un bellu fiascu ! Vutemu, cum’è in l’altre regione auropee a creazione d'un ministeru, cù un’uffiziu di pianificazione linguisticu è culturale.
- A furmazione ? Demuli dinò u spaziu di a furmazione prufesiunale è di u « Mondu di u travagliu »
- U ricutamentu ? Sopr’à tuttu quand’ellu si vede ch’ellu si trova di menu in menu giovani cursafoni di qualità per guarantisce a rilleva pedagogica ?
- Vistu a cunfusione è l’urgenza, qualesse seranu e misure transitorie ? Ùn si pò lampà in terra è sperà in Diu ! Chì femu in lu frattempu per almanaccà una strattegia efficace è fattiva ?
 
Tempu di Riacquistu,  tempu di Disacquistu ?
Da induve no venimu, « u Riacquistu », patimu oramai u tempu di « u Disacquistu » ! Capimuci bè ! Ùn ne simu più à oppone Corsu è Francese, in scola o in carrughju ! Ne simu à custruisce l’avvene, quellu d’una sucetà biplurilingua.
Iè, si tratta d’evuluzione custituziunale, di statutu particulare ( avà cù a cullettività unica simu in paru à e « nove regione francese » ), di cumpetenze allargate è a Cullettività maestra per ciò chì tocca à  l’Educazione,  tira avanti è passa. 
Vole dì perfine chì per contu nostu, aldilà di i mezi è di stu pianu , seria propiu ora per Parigi di piglià in contu a vulintà di l’eletti di a Corsica è di dacci un statutu di cuufficialità.
Per cunclude, s’è n’avemu bisognu d’un’ accunsentu largu, u più serà quantunque di vutà un testu ch’appia à bastanza forza per mette in attu ciò chì ferma un’ogettivu maiò di quarant’anni di lotta cuntempuranea.
Nant’à a strada petricosa di a storia à vene di u Populu Corsu, ch’ella sia detta, una volta per sempre : «  A lingua face Nazione, face ! »  È cusì sia !
Saveriu LUCIANI



Livres | Musique | Evènements | Lingua corsa | Cuisine




Derniers tweets
Corse Net Infos : Du stade à la ville... la joie, l'espoir de la Ligue1 https://t.co/sDiurXWWAz
Lundi 21 Mai - 19:16
Corse Net Infos : ACA : Le ras le bol de Léon Luciani et Alain Orsoni https://t.co/WUP7x46a6T https://t.co/R5T0frhmVM
Lundi 21 Mai - 19:16
Corse Net Infos : Bastia : Un beau plateau pour la « Plateforme danse 2018 » qui débute ce mardi https://t.co/s7QLxNziR4 https://t.co/2GnoiITBs5
Lundi 21 Mai - 19:16



Newsletter






Galerie