Corse Net Infos - Pure player corse

L'uffiziu Fundariu di a Corsica in Balagna


Rédigé par Stella CIANI le Dimanche 22 Avril 2018 à 11:04 | Modifié le Dimanche 22 Avril 2018 - 17:12


Cum'ellu a face in ogni micro rughjone di Corsica, l'Uffiziu Fundariu di Corsica s'hè spiazzatu in Balagna per infurmà l'eletti di u so rolu.


L'uffiziu Fundariu di a Corsica in Balagna
Venneri, a squadra di l'OFC ( Uffiziu Fundariu di Corsica) hà invitatu parechji eletti di Balagna in Santa Riparata di Balagna, à una riunione d'infurmazione annant'à u rolu di quellu uffiziu.   

 

"U scopu di quella riunione hè di prisenà à l'eletti di u tarritoriu e missione è l'ubiettivi di l OFC. Riunione chì sò urganizate annant'à l'isula sana.Vulemu falli sapè ch'elli anu hà dispusizione un stuvigliu pubblicu chì l'aiute à sviluppà u so patrimoiniu" hà spiecatu Jean-Christophe Angelini, u prisidente di l'OFC. 

 

Nanzu e diverse dumande poste da i merri prisenti, u prisidente è u direttore Jean-Charles Vallée, anu prisentatu in dettaglii l'uffiziu. " L'OFC, hè statu creatu in u 2014. Mà u so primu acchjappu hè statu fattu in u 2016 sott'à a prisidenza di Jean-Christohe" hà ramintatu u direttore, nanzu di cuntinuà. " Hè un elemente rigulatore chì privene a speculazione fundaria, cusì prisente in Corsica".

Un aiutu chì s'indirizze à e cullettività mandatrice, per bè edificati o nò ( casamenti o tarreni). Si deve mandà un curriere o um mail dumandendu à l'OFC a rialisazione d'un operazione d'acchjappu per una purtera futura. Se a dumanda hè accettata, a cumprera si pò fà pruntamente. 

 " Hè un elemente di sustegnu à a gestione di e cumune e EPCI* ( Etablissement public de coopération intercommunale). Se a cullletività vole cumprà un bè messu in vendita mà ch'ella ùn hà i fondi, pò dumandà à l'OFC chì hè capace d'intervene prestu, per purtà u bè per una durata di 6 mesi à 5 anni massimu. Cusì, quella pò avè u tempu di priparassi" hà spiecatu u prisidente. 

Mentre issa durata, l'OFC ùn hè micca prupietariu. Intervene solu in un rolu di purtadore. Da sapè dinò chì se una cumuna vole cumprà un bè in u scopu di fane alloghji suciali, po gode in fine di a purtera, d'una riduzzione annant'à u prezzu iniziale (fin'à 40 % di menu. Adattevule secondu i rughjoni). 

" Mentre a purtera, l'OFC s'accupe di u bè cum'e s'ellu era ellu pripietraiu. Hè assicuratu, pulitu... Ùn hè micca lasciatu à l'abandonu", hà cuntinuatu. 

 

L'OFC porte oghje una vintina di bè. E so finanze venenu di u PEI* (Plan Exceptionnel d'investissement), cù 22 milioni d'euro. "8 milioni sò cunsumati per oghje". 

Benifizieghje di a TSE* ("Taxe Spéciale sur l'Equipement", pacata da i cuntribuenti di l'isula. 9 euro per abitantu). Un guadagnu di quasi 3 milioni per annu. 

" Avemu aghjuntu un imprestu cundiscentu da "la caisse des dépôts et de consignation" per un prezzu di 5 milioni d'euro. Vulemu aumentà a putenza di cumprera di l'uffiziu. Deve pudè avè una capicità d'investimenti mondu più maiò. Simu un cataru contr'à a speculazion". Sò 'intervenzione chì sò cunnisciuti da tutti, cù prezzi fissati da " France Domaine". 

 

 

Più tostu in a ghjurnata, l'OFC hà ziffratu trè acchjappi. Dui in Curbara è unu in palasca. (Per Curbara, duie parcelle edificata è spianata per un prezzu di 282 490 euro annant'à 4 è 3 anni. Per Palasca, una parcella edificata per un prezzu di 60 000 euro per 2 anni). 

 

 

A squadra : Jean-Christophe Angelini, u presidente. 

Jean-Charles Vallée, direttore di l'ADEC è di l'OFC in interim.

Jean-Fè " Dumè" Carlotti, cunsiglieru strategicu

Julie Da Costa, interlocutrice di e cumune

In prisenza di Frédérique Densari è Pasquà Carlotti, Cunsiglieri tarrituriali, i merri di u rughjoni di Lisula, è pubblicu.

 

*Une poche di purtere fatte dipò 2016. A giendarmaria di Belgudè, diventata 6 alloghji suciali. U casamentu di a posta di Bastia, a Camera di l'Agricultura d'Aiacciu.







Dans la même rubrique :
< >

Vendredi 25 Mai 2018 - 10:52 Léo Massiani si n'hé andatu

Livres | Musique | Evènements | Lingua corsa | Cuisine





Derniers tweets
Corse Net Infos : U Ghjurnalettu di CNI https://t.co/cOdwFAN72s https://t.co/eaiIRlZUGH
Vendredi 25 Mai - 16:11
Corse Net Infos : Léo Massiani si n'hé andatu https://t.co/qrw2CcVYp6 https://t.co/OP1isbDvBH
Vendredi 25 Mai - 15:51
Corse Net Infos : Annette Pieri : « Le bail réel solidaire est une réponse à la question foncière et une alternative au statut de rés… https://t.co/8eBieuzj1R
Vendredi 25 Mai - 15:30
Corse Net Infos : 30eme festival de Bridge de Porto-Vecchio : La réussite encore au rendez-vous https://t.co/xiKMMIxdYs https://t.co/7F1KzdEuXd
Vendredi 25 Mai - 15:16



Newsletter




Les vidéos


Galerie