Corse Net Infos - Pure player corse

Calacuccia : Anniversariu di u prucessu di i Niulinchi, u 23 di Ghjugnu di u 1774


Rédigé par le Lundi 16 Juin 2014 à 17:05 | Modifié le Lundi 16 Juin 2014 - 17:23


A Cumunità di e Cumune di Niolu organiseghja una cumemorazione per l’anniversariu di u prucessu di di Niulinchi, u 23 di Ghjugnu di u 1774, cu e so seguite, a cundanna à morte di 15 omi, impiccati, più di sessanti depurtati à u bagnu di Tulò, é tant’altre malfatte di e truppe di Rè di Francia inde a valle di Niolu.


Sta cumemurazione si tenerà u luni 23 di Ghjugnu di u 2014 à partesi da 4 ore dopu meziornu à u cunventu di calacuccia, locu stessu di u prucessu.

A 4 ore, ci serà a prughjezzione di u filmu « Marcu Maria » realisatu da Julie Perreard, seguitatu da l’intervenzione di Jacques Denis chi ci parlerà di manera precisa di l’evénimenti di u 1774 in Niolu, di l’operazione militare francese, di u prucessu, di l’omi cundannati, di a situazione pulitica di tandu inde a valle è in Corsica…

A 6 ore di sera, ci serà una messa in lingua nustrale fatta da u prete Culioli, è cantata da u gruppu A Filetta

Vers’i 7 Ore, l’eletti di Niolu cù zitelli di a scola renderanu un omaggiu sulennu à l’impiccati è i depurtati niulinchi, martirii di a causa corsa, cù fiori posti davant’à u monumentu réalisatu per cumemurà sta strage, è discorsi ufficiali.

A  8 ore di sera, a serata cuntinuerà in giru à un pranzu fatu per l’occasione accumpagnatu di canti è soni.

A cumunità di e cumune di Niolu invita a pupulazione di a valle, è aldilà tutti quelli in Corsica chi volenu spate stu mumentu di ricordu incù noi, à participà à ste cumemorazione.





Dans la même rubrique :
< >

Vendredi 7 Décembre 2018 - 07:57 Terrible collision à Omessa : Deux morts

Communiqués | L'université | L'estru piuvanu