Corse Net Infos - Pure player corse

Santa Catalina di SienaI Santi :


Rédigé par (Cp) le Mardi 29 Avril 2014 à 01:40 | Modifié le Mardi 29 Avril 2014 - 01:41


Catalina era nata in Siena in u 1347. Si era fatta sora di San Dumenicu è avia principiatu per campà rinchjusa. À 20 anni hà ripigliatu una vita nurmale è ghjè diventata celebre in pocu tempu. Una scorta di ghjente a seguitava dapertuttu: giovani signori è vechji marcanti, preti è avucati, artisti è suldati. I chjamavanu i Caterinati.


À Catalina, ugnunu a tenia caru per via di a so manera di vive alegra è santa. Ma a so celebrità a deve à a so azzione pulitica. Hà fattu stancià e guerre civile è stabilitu a pace trà i citatini chì si battianu. È po, hà fattu rivene in Roma u papa chì ghjera in Avignone.

In u 1377, i papa eranu in Avignone da 66 anni. Catalina avia 3O anni. U 13 ghjugnu, accumpagnata da 28 Caterinati, parte è và à truvà à Gregoriu XI (u Francese Pierre Roger), papa da quattru anni, è u cunvince di venesine cun ella in Roma. U 13 uttobre, partenu. Ghjunti in Genuva, Gregoriu vulia vultà. Catalina u forza à cuntinuvà a so strada.

Gregoriu XI more in Roma u 27 marzu 1378. Per succedeli, i cardinali ùn si sentenu. Certi eleghjenu à Bartulumeu Prignani di Napuli (Urbanu Sestu), d'altri à Robert de Genevois (Clemente Settimu). A Chjesa si trova cù dui papa, unu in Roma, l'altru in Avignone. Era natu u Gran Scisimu d'Occidente chì durerà 39 anni. U papa di Roma avia cun ellu l'Alemagna, l'Italia, l'Ungheria, l'Inghilterra è i paesi Scandinavi; u papa d'Avignone avia a Francia, a Scozia è a Castiglia.

Catalina hè morta u 29 aprile 1380 in Roma, duv'ella si ne stava accantu à Urbanu Sestu. Avia 33 anni. Nanzu di more, avia scrittu u famosu "Dialogu", unu di i più belli scritti in lingua taliana.

Etimolugia : da u grecu "Ekaté" unu di i cugnomi di a dia Diana, forse da "katharos" (puru).

Nomi : Caitlin, Catalina, Caterina, Catherine, Cathia, Cathie, Cathleen, Catriona, Kalleke, Katalin, Katarina, Kate, Katel, Katerine, Käthe, Kathlene, Katia, Katinka, Katiouchka, Katje, Katrina, Katy, Keet, Ketty, Kittie, Nine, Trina, Trine, Trinelli, Trinette, Trinke.

Paesi è cità : Italia.

Prutezzione : Catalina hè a santa patrona di quelli chì curanu i malati.




Dans la même rubrique :
< >

Jeudi 24 Juillet 2014 - 00:02 I Santi : Santa Cristina

Mercredi 23 Juillet 2014 - 00:49 I Santi : Santa Brigida.

L'actualité | Politique | Football | Sports | Culture | PAROLES | I santi | L'anniversari | Diaspora | iPhone | Avis de décès




Derniers tweets
Corse Net Infos : Echoué sur la plage de #Calvi, un voilier remorqué par la vedette de la SNSM https://t.co/cBfKRhc519
Jeudi 16 Août - 16:03
Corse Net Infos : Concert à la chappelle Sainte Lucie d'Ajaccio https://t.co/MB5O2GAHTH https://t.co/5JZco09gRl
Jeudi 16 Août - 16:01
Corse Net Infos : Balagne : La grande braderie de Lisula débute aujourd'hui https://t.co/gjbLaf7zHN https://t.co/lnFmFE89WK
Jeudi 16 Août - 15:31
Corse Net Infos : #Balagne : La grande braderie de Lisula débute aujourd'hui https://t.co/GmIjjQS6wC
Jeudi 16 Août - 15:27



Newsletter






Galerie
Requin1
Requin
Cérémonie Ajaccio
Cérémonie Ajaccio
Fiera di l'Alivu
Fiera di l'Alivu
Port de L'Ile-Rousse
Port de L'Ile-Rousse
Bande à Part
Bande à Part
ACA-FCBB
GFCA-Nîmes
Vitrines vivantes
Tribbiera in Lumiu
Feu le bon café
Marché de Porto-Vecchio