Era l'epica chì i Bizantini, cumandati da u generale Belisariu, pruvavanu à caccià i Goti da l'Italia. L'annu 536, i Goti eranu in Roma. U so rè fece papa à Siliveriu, ciò chì dispiacì assai à un diacunu chjamatu Vigiliu chì vulia ellu u postu.
Quandu Belisariu hà occupatu a cità di Roma, Vigiliu si hè fattu bellu cun ellu. Un ghjornu, l'hà fattu vede un falzu scrittu duve Siliveriu prumettia à u rè di i Goti di apreli a porta Asinaia per ch'ellu possi ricunquistà a cità. Allora, Belisariu hà esiliatu à Siliveriu in Turchia è hà fattu papa à Vigiliu.
Siliveriu hè vultatu subitu da Turchia chì, i veschi di l'Asia avianu ottenutu da l'imperatore Ghjustinianu ch'ellu fussi ghjudicatu una seconda volta. Ma, in Roma, Vigiliu era putente. E' Siliveriu fù cundannatu una seconda volta è mandatu in l'isulottu di Palmaria, in u golfu di Saetta, di punta à Roma. Dicenu chì custì l'anu datu à manghjà u pane di a tribulazione è à beie l'acqua di l'angoscia. Muria qualchì mese dopu. Era u 20 ghjugnu 538.
Etimolugia : da u lat. "silva" (furesta).
Casate : Silvieri.
-
« Mère Méditerranée » : une semaine de rencontres en Corse autour de la guerre et de la paix
-
Bastia - Rémy Furfaro s’en est allé, le rugby corse perd l’un des siens
-
À Lumiu, « E Statinate », qui va distinguer Charlotte Casiraghi, fait dialoguer littérature et vin
-
« Pèlerins d’un jour » à Lourdes avec le cardinal Bustillo pour la venue du pape Léon XIV
-
Assunta Gloriosa in Bastia : evivva Maria !
Envoyer à un ami
Version imprimable
