Corse Net Infos - Pure player corse

I Santi : Santu Martinu, papa, A Beata Ida


Rédigé par (Cp) le Dimanche 13 Avril 2014 à 01:25 | Modifié le Dimanche 13 Avril 2014 - 01:27


Martinu Primu, papa, natu in l'Ombria, in a cità di Todi, hè mortu in Crimea l'annu 653.


Quand'ellu hè statu fattu papa, l'annu 649, cundannò e teurie di l'imperatore bizantinu Custanziu Secondu, è di i so teologhi, nantu à l'incarnazione di u Verbu. Custanziu u fece arrestà è purtà in Custantinopuli duv'ellu hè ghjuntu mezu mortu da tantu ch'ellu era statu maltrattatu da i guardiani.

In prigiò, scrisse: "Da 47 ghjorni, ùn mi anu ancu datu appena d'acqua per lavammi. Zucculeghju da u freddu. Sò indebulitu da un sciuglimentu di corpu. Rendu tuttu ciò ch'o manghju. Ma Diu vede tuttu è mi cunfideghju à ellu".

Ghjudicatu da i teologhi è funziunarii di l'imperatore, fù esiliatu in Crimea duv'ellu morse.

Etimolugia : Martinu vene da u nome di u diu Marte, cù u significatu: "picculu Marte".

Casate : De Martini, Demartini, Martinaggi, Martinelli, Martinenghi, Martinetti, Martini, Martinucci.

Nomi : Maartina, Machin, Marcin, Màrtainn, Märtel, Marten, Märten, Marti, Märti, Martie, Martina, Martinho, Martinian, Martiniana, Martiniano, Martinianus, Martinien, Martinienne, Martinka, Martino, Martinu, Martinus, Martjin, Martl, Marton, Martsen, Marty, Martyn, Matten, Mertens, Mirtel, Tien, Tienis, Tiens, Tinie, Tinus.


Ida, nata l'annu 1040, era a moglia di u conte di Bulogna chì cumandava da l'Ardenne à u mare Atlanticu. Anu avutu dui figlioli maschji: Gottifreddu di Buglione è Balduvinu Primu, chì anu participatu à a prima Cruciata in l'annu 1099 è sò stati i primi rè di u regnu francu di Ghjerusalemme.

Anu avutu cum'è ghjenneru à Arrigu Quartu, l'imperatore d'Alemagna chì ebbe à scumbatte cù u papa Gregoriu Settimu per via di l'investiture.

U 25 ghjennaghju 1077, Arrigu Quartu ghjunse à u castellu di Canossa, pruprietà di a principessa Mattilda di Toscana, per sottumettesi à u papa. È ricordemu chì, dopu à issa famosa ghjurnata, u papa è a fida Mattilda partiinu da Canossa senza pressassi, è almanacconu di sottumette a Corsica à a Santa Sede, è di mettela sottu à a tutella di Pisa.

Ida era una donna assai credente, cunsigliata da Santu Anselmu chì venia à visitalla in Bulogna o li scrivia lettere spirituale chì sò state cunservate.

I so sciali eranu di fà ornamenti pè e chjese è di pregà. Anu pretesu chì e so prighere anu participatu à u successu di a prima Cruciata.

Hè morta à l'età di 73 anni, u 13 aprile 1113, dopu à avè fattu miraculi chì anu permessu a beatificazione.

Etimolugia: da u germanicu "idis" (donna).

Nomi: Ida, Ide, Ita, Idchen, Iken, Itchen, Itte.




Dans la même rubrique :
< >

Jeudi 24 Juillet 2014 - 00:02 I Santi : Santa Cristina

Mercredi 23 Juillet 2014 - 00:49 I Santi : Santa Brigida.

L'actualité | Politique | Football | Sports | Culture | PAROLES | I santi | L'anniversari | Diaspora | iPhone | Avis de décès




Derniers tweets
Corse Net Infos : Haute-Corse : Tous les indicateurs de l'accidentologie routière sont dans le rouge https://t.co/n4FS58SqVs https://t.co/3GgOPNgfny
Vendredi 15 Décembre - 15:26
Corse Net Infos : Coup d'envoi samedi du tournoi de Noël du Football Club Squadra Calvi https://t.co/ctCEQHUKQM https://t.co/k7l43jtm5w
Vendredi 15 Décembre - 11:31
Corse Net Infos : Marchés de Noël : L’agenda des rendez-vous du week-end en Corse-du-Sud https://t.co/bSFcJDycRS https://t.co/uWw2dclqYf
Vendredi 15 Décembre - 11:31
Corse Net Infos : Vos sorties du week-end en Haute-Corse https://t.co/E5UkaHDNQ6 https://t.co/Wr6IQUG35u
Vendredi 15 Décembre - 11:30


Newsletter







Galerie
Communauté de communes L'Ile-Rousse Balagne
Communauté de communes L'Ile-Rousse Balagne
CCAS de Calvi
CCAS de Calvi
Mini-Cut
Mini-Cut
Rencontre littéraire à Aix
Rencontre littéraire à Aix
MISSCORSE
Eva Colas
GFCA
GFCA
Leroy Merlin à Ajaccio
Leroy Merlin à Ajaccio
Tempête Balagne
Tempête Balagne