Corse Net Infos - Pure player corse

I Santi : Santu Lazaru u pittore, Santu Policarpu


Rédigé par (Cp) le Dimanche 23 Février 2014 à 02:08 | Modifié le Dimanche 23 Février 2014 - 02:10


Lazaru era un frate di Custantinopuli chì pinghjia figure sacre à l'epica iconoclastica quandu, da 725 à 842, sciappavanu è brusgiavanu e riprisentazioni di Diu è di i santi.


Versu l'annu 830, l'Imperatore Teofilu u fece arrestà è li fece brusgià e palme di e mani. L'imperatrice Teodora u piattò, u curò è u guarì, è Lazaru riprincipiò à pinghje.

À a morte di u maritu, l'annu 842, Teodora ebbe a regenza per quattordeci anni. Fece stancià a guerra di e figure chì durava da più di un seculu. Lazaru fù incaricatu di andà in Roma à danne a nova à u papa.

Certi pretendenu chì, vultendu da Roma, u battellu si hè affundatu è Lazaru hè mortu annegatu. D'altri dicenu ch'ellu hè mortu in l'867, dopu à avè ricusatu di pregà pè u boia chì l'avia marturiatu.

Etimolugia : V. Lazaru (17 dicembre).


Policarpu hè u secondu di i martiri cunnusciuti, u primu essendu San Stefanu. Hè mortu in l'annu 155, in Smirne.

Era statu un discepulu di San Ghjuvanni l'Evangelistu è avia cunnusciutu quelli chì avianu cunnusciutu à Ghjesù. Santu Ireneu conta chì Policarpu li dicia: "Iè, l'aghju po cunnusciutu benissimu à San Ghjuvanni. Mi pare di vedelu ancu avà. Si calava accantu à noi altri zitelli, è ci ripetia e parulle di l'apostuli è quelle di Ghjesù".

Policarpu era vescu di Smirne quand'ellu fù ubbligatu di piattassi per via di e persecuzioni. Si era rifugiatu in u granaghju di una casetta, ma fù traditu da un giovanu servu torturatu da i suldati. L'anu purtatu davanti à u proconsule chì li prumettì di salvalli a vita s'ellu rinnegava a so fede.

"Facenu 86 anni ch'appartengu à u Signore, disse Policarpu, ùn mi hà fattu nisun male, è vulite ch'o u rinneghi? Mancu à pensalla!"

Allora u purtonu nantu à un legnaghju per brusgiallu vivu. Ricusò di lasciassi lià mani è pedi è si messe à pregà mentre ch'elli zingavanu focu. Ci hè vulsutu chì i suldati u difiniscanu à stilettate, chì e fiastare l'allisciavanu senza brusgiallu.

Etimolugia : da u grecu "polus" (assai) è "karpos" (fruttu).




Dans la même rubrique :
< >

Jeudi 24 Juillet 2014 - 00:02 I Santi : Santa Cristina

Mercredi 23 Juillet 2014 - 00:49 I Santi : Santa Brigida.

L'actualité | Politique | Football | Sports | Culture | PAROLES | I santi | L'anniversari | Diaspora | iPhone | Avis de décès




Derniers tweets
Corse Net Infos : Aiacciu Lochi di mimoria : Promenade à la maison des Milelli https://t.co/gb4vDvNHMi
Lundi 20 Août - 11:56
Corse Net Infos : Chapelle Impériale : Les Bonaparte, pour l’éternité https://t.co/cOPLx5dMAx
Lundi 20 Août - 11:55
Corse Net Infos : Biomathematica : La start up corse financée par la NASA ! https://t.co/Ik76q1xxOa
Lundi 20 Août - 11:55
Corse Net Infos : Office de Tourisme du Pays d'Ajaccio : Les derniers rendez-vous de l’été https://t.co/2z5lDz19af
Lundi 20 Août - 11:51



Newsletter






Galerie
Requin1
Requin
Cérémonie Ajaccio
Cérémonie Ajaccio
Fiera di l'Alivu
Fiera di l'Alivu
Port de L'Ile-Rousse
Port de L'Ile-Rousse
Bande à Part
Bande à Part
ACA-FCBB
GFCA-Nîmes
Vitrines vivantes
Tribbiera in Lumiu
Feu le bon café
Marché de Porto-Vecchio