Corse Net Infos - Pure player corse

I Santi : Santa Ghjuliana, Santu Elia è cumpagni


Rédigé par (Cp) le Dimanche 16 Février 2014 à 09:16 | Modifié le Dimanche 16 Février 2014 - 09:19


Ghjuliana campava in Nicumedia, l'attuale Izmit, in Turchia, una marina di u mare di Marmara.


À l'epica di l'imperatore Massiminu, dunque trà l'annu 286 è l'annu 310, serebbi stata marturiata per avè ricusatu di maritassi. Hè stata subitu celebre in Oriente è, in Italia, à parte da u seculu quintu. E so reliquie sò state purtate in Napuli u 25 ferraghju 1207.
Etimolugia : V. Ghjuliu (12 aprile).

Paesi è cità : Roma, Parigi (21 marzu).


Elia, Geremia, Isaia, Samuele è Daniele, sò stati scapati l'annu 309, in Cesarea Marittima, cità di a Palestina. A so morte l'hà conta Eusebiu di Cesarea chì ghjera prisente.

Issu ghjornu, cinque giovani Egizziani si prisentonu à e porte di Cesarea di Palestina duv'ellu stava u guvernatore rumanu. Vultavanu da Turchia duv'elli avianu accumpagnatu, per dalli cunfortu è cunsulazione, unipochi di i so cumpatriotti cundannati à travaglià in e minere.

À e guardie, chì li dumandavanu da duv'elli venianu è duv'elli andavanu, fecenu risposte scusgite. Allora, i mandonu davanti à u guvernatore Firmilianu.

- Quale site? li dumandò quellu.

- Simu Elia, Geremia, Isaia, Samuele è Daniele, disse Elia chì parlava pè i cinque.

Firmilianu fù surpresu di sente issi nomi ch'ellu ùn cunnuscia chì mai avia lettu l'Anzianu Testamentu.

- Di duve site?

- Simu di a Ghjerusalemme suprana

Assai sapia, u guvernatore, chì, dui seculi nanzu, avia esistitu una Ghjerusalemme suprana!

- È duve hè, issa Ghjerusalemme suprana?

- Si trova - disse Elia - da e parti di l'Oriente, postu chì, à l'Oriente, si alza u sole, è chì Ghjesù hè, per noi, u sole di Ghjustizia, a luce chì splende in e tenebre.

Firmilianu, chì ùn capia nunda à issu discorsu stranu, si dumandò s'elli ùn eranu micca nimichi di Roma venuti da Levante.

- È chì fate cum'è travagliu?

- Simu Cristiani - disse Elia. U nostru travagliu hè di esse i servi di Cristu. Li avimu datu a nostra speranza è u nostru amore.

Ista volta, u guvernatore capì... è i fece scapà. Elli ùn circavanu altru. Vulianu vive in un mondu migliore mentre chì i so amichi, mandati à travaglià in e minere di Turchia, campavanu cum'è e bestie.




Dans la même rubrique :
< >

Jeudi 24 Juillet 2014 - 00:02 I Santi : Santa Cristina

Mercredi 23 Juillet 2014 - 00:49 I Santi : Santa Brigida.

L'actualité | Politique | Football | Sports | Culture | PAROLES | I santi | L'anniversari | Diaspora | iPhone | Avis de décès





Derniers tweets
Corse Net Infos : Inseme in scena : #Felì et #CantaUPopuluCorsu partagent la scène pour une tournée estivale https://t.co/3KKOvlfw0w #Corse
Mardi 17 Juillet - 11:16
Corse Net Infos : Inseme in scena : Felì et Canta U Populu Corsu partagent la scène pour une tournée estivale https://t.co/CMzgeVVREH https://t.co/FDfh0H0YQl
Mardi 17 Juillet - 11:16
Corse Net Infos : Consultez la #météo #corse en permanence et en direct sur #CNI https://t.co/n8GcKLIvbV
Mardi 17 Juillet - 07:55
Corse Net Infos : Avec #OKpal soutenez #CNI ! https://t.co/EimdOC7Xpg
Mardi 17 Juillet - 07:50



Newsletter






Galerie