Corse Net Infos - Pure player corse

Croneca : A cuppa di u mondu senza l’Italia


Rédigé par Vincenzu Marcelli le Mardi 14 Novembre 2017 à 00:20 | Modifié le Mardi 14 Novembre 2017 - 16:04


I Corsi eranu tutti davanti à u so postu di Televisiò issu luni per Italia-Sueda. Durante 90 minute, anu messu a pulitica-tematica maiò issi pochi tempi- da cantu. A dilla franca, ci seranu più, ind’è noi, sustenitori di a squadra azzura ch’è di a squadra di Francia. Ma quessa a sapiamu. U fattu hè ch’è a cuppa di mondu senza l’Italia, da quì à sette mesi, ùn hè li stessa cumpetizione…


Croneca : A cuppa di u mondu senza l’Italia
Sessanta anni. Più d’un mezu seculu. Eccu u tempu passatu senza vede l’Italia in cuppa di u mondu. Vi rendite contu ? Dapoi 1958, n’hè passata acqua sottu à i ponti. Di fattu, quatordeci cuppe di mondu di fila cù a Squadra Azzura. Ma micca solu què. Ci tocca dinò à aghjustà duie vittorie.
Tuttu u mondu si ramenta a famosa di u 1982 cù u sguardu di scemu di Marco Tardelli è dinò –disgrazia per a Francia- quella di u 2006 –a capata di Matterazi è quella di Zizou. A què, ci vole aghjustà duie finale perse, quella di legenda in u 1970 è di u 1994 sempre di fronte à u Brasiliu. Senza sminticà ne mancu 1978, 1990 (meza finale) d’altri maccioni. Iè, quand’è noi parlemu di cuppa di u mondu, subbitu, ci vene l’Italia di Silvio Piola, Giuseppe Meazza (1934, 1938), di Gigi Riva, Giacinto Facchetti, Sandro Mazzola, Gianni Rivera (1970), Dino Zoff, Marco Tardelli, Paolo Rossi, Antogno Cabrini (1982), Toto Squilacci (1990), Roberto Baggio, Paolo Maldini (1994), Andrea Pirlo, Gigi Buffon (2006).
Settant’anni di a storia d’issa cumpetizione stampata da a storia di a Squadra Azzura. Iè, hè vera, ancu s’elli mancanu capighjucadori capace di piglià u ghjocu in contu, ci hà da manca l’Italia. Masimu à noi altri corsi, abbastanza vicini ch’ella sia per via di a lingua, di a cultura o più simplice, di u ghjocu à ballò, di l’Italia. Per a prima volta, è si pò parlà di revoluzione, anu stà davanti à a so TV. Ma, tenimu sempre, ind’a nostra mente, u ricordu d’un gran « suldatu », forse unu di i più famosi ghjucadori di a storia –in tutti i casi di i guardiani- vogliu parlà di Gigi Buffon chì pudia, di ghjugnu u 2018, esse u solu ghjucadore à participà à sei cuppe di u mondu. Per ellu, u mondu di ballò hè dilusu…
A Squadra Azzura, ella, si rimetterà d’issu « drama ». Li tocca à travaglià intornu à furmazione per esse presente, da quì à dui anni in u campiunatu d’Auropa.
Hè ciò ch’è noi li prechemu…





Dans la même rubrique :
< >

Samedi 18 Novembre 2017 - 10:00 Calvi : Novu successu pè " les soirées de l'eau"

Vendredi 17 Novembre 2017 - 15:57 30 anni fà, Ghjuvan’Battista Acquaviva

Livres | Musique | Evènements | Lingua corsa | Cuisine




Derniers tweets
Corse Net Infos : Consultez la #météo #corse en permanence et en direct sur #CNI https://t.co/n8GcKM063t
Mercredi 22 Novembre - 09:37
Corse Net Infos : Hôpital de Bastia : Motion de soutien du conseil municipal https://t.co/bn4gu5RVTF https://t.co/R6xqK04rhp
Mardi 21 Novembre - 23:44
Corse Net Infos : Capa : Plusieurs maires regrettent la démission de Jean Biancucci. Les élus de Cutuli è Curtichjatu solidaires… https://t.co/jHK2q6WMCP
Mardi 21 Novembre - 23:13
Corse Net Infos : "Semaine Ecole-Entreprise" : Les élèves corses à la rencontre des entreprises https://t.co/lA3LXrT3D8 -Les-eleves-c… https://t.co/j3QKMaVK55
Mardi 21 Novembre - 22:00


Newsletter







Galerie
featering-CEVZ-1
Documentaire au Régent
Saint-Florent
Saint-Florent
Squash
Squash
Salon du diabète
Salon du diabète
SNSM Calvi
SNSM Calvi
Exposition APF
Exposition APF
Occi
Occi
GFCA Volley
GFCA Volley