Corse Net Infos - Pure player corse

i Santi : Santu Marcu l'Evangelistu


Rédigé par (Cp) le Vendredi 25 Avril 2014 à 00:39 | Modifié le Vendredi 25 Avril 2014 - 00:40


Marcu hà scrittu u secondu di i Vangelli di Ghjesù Cristu. Scrivia in grecu, cù un stile semplice, pupulare. Scrivia cum'ellu parlava. Ciò ch'ellu conta, a l'avianu conta San Petru è San Paulu, ma era prisente quand'elli arrestonu à Ghjesù. Ellu, hè scappatu, lasciendu in manu à i suldati u linzolu ch'ellu avia addossu.


San Petru li dicia "O figliò!", ciò chì face pinsà chì, forse, hè ellu chì l'hà cunvertitu è battizatu.

Marcu è a mamma stavanu in Ghjerusalemme. A so casa era un locu d'adunanza di i primi cristiani. Hè custì ch'ellu si rifugiò San Petru quand'ellu escì da prigiò. Più tardi, Marcu è u capapostulu si sò scontri parechje volte. Cù San Paulu, ùn eranu micca sempre di listessu parè. Si eranu liticati andendu in l'Asia minore, è Marcu si ne era vultatu in Ghjerusalemme. Ma, quandu Paulu fù imprigiunatu in Roma, Marcu andete à vedelu, è pigliò u so postu per predicà è cunverte i pagani.

Marcu serebbi mortu versu l'annu 100, in a chjesa d'Alessandria ch'ellu avia fattu fà. L'annu 828, e so reliquie sò state purtate da Alessandria in Venezia duv'ellu hè u Santu Patrone di a cità. Hè dinù u prutettore di l'Italia.

Etimolugia : da u nome latinu "Marcus", derivatu da u nome di u diu "Marte". In Corsica, in u 1981, era à u 17esimu rangu di i nomi maschili. Era quellu di nove omi nantu à mille.

Casate : Marcellesi, Marcelli, Marcellini, Marchelli, Marchetti, Marchi, Marchiani, Marchini, Marchioni, Marcia, Marcialis, Marcianu, Marciati, Marcucci, Sammarcelli, è d'altre cumposte cum'è Marcantoni, Marcangeli, ecc.

Nomi : Celina, Céline, Célinie, Ianka, Marc, Marceau, Marcel, Marceli, Marcelia, Marcelin, Marcelina, Marcella, Marcelle, Marcellien, Marcellin, Marcellina, Marcelline, Marcellinu, Marcello, Marcellu, Marcellus, Marcelo, Marchetto, Marchettu, Marchita, Marcia, Marciana, Marciano, Marcianu, Marcie, Marcien, Marcienne, Marcile, Marcille, Marcio, Marcion, Marcionille, Marcius, Marco, Marcos, Marcu, Marculina, Marcus, Marcy, Marek, Mark, Marke, Markei, Markel, Markell, Markelline, Markian, Markoussia, Marks, Markus, Marquita, Marselis, Marsha, Martsellina, Marx, Marzel, Marzell, Marzella, Marzelline, Massia, Merk, Merkel.

Prutezzione : e bande di l'animali.





Dans la même rubrique :
< >

Jeudi 24 Juillet 2014 - 00:02 I Santi : Santa Cristina

Mercredi 23 Juillet 2014 - 00:49 I Santi : Santa Brigida.

L'actualité | Politique | Football | Sports | Culture | PAROLES | I santi | L'anniversari | Diaspora | iPhone | Avis de décès




Derniers tweets
Corse Net Infos : #ACAHAC Le Havre veut jouer les barrages face à Toulouse ! Réunion d'urgence des commissions des compétitions et de… https://t.co/sKxQvrKIRb
Lundi 21 Mai - 23:49
Corse Net Infos : Sartenais-Valinco-Taravo : 200 écoliers fêtent la Nature ! https://t.co/NEGFxCOuCe https://t.co/5pAESs7nla
Lundi 21 Mai - 23:21
Corse Net Infos : @epaluzie @F_Alfonsi #Corse-#Catalogne : La présidente de l’#ANC, Elisenda Paluzie, à #Bastia pour défendre la caus… https://t.co/ThEiUk9TFP
Lundi 21 Mai - 22:10
Corse Net Infos : Corse et FLNC, une page d'histoire / Tome 1, Génération 70" : Pierre Poggioli dédicace à La Marge https://t.co/vxtEpjAks4
Lundi 21 Mai - 22:00



Newsletter






Galerie