I Santi : U Beatu Pacificu

Fù ellu chì, u primu, cantò u "Canticu di u Sole", cumpostu da San Francescu in u 1225. L'affare si passò in a cità d'Assisi, duve u vescu è u podestà eranu in bischizzu. Un ghjornu ch'elli eranu tramindui prisenti à una cirimonia, Pacificu, chì avia una bellissima voce, intona:
"Ludatu sie tù, O Signore, per tutte e creature è, in particulare, pè u nostru fratellu u Sole chì ci face lume."
U podestà stava à sente, mani ghjunte, prontu à pianghje.
"Ludatu sie tù, o Signore, pè a nostra surella a Terra, surella è mamma, chì ci porta è ci nutrisce."
E' San Francescu aghjunse:
"Ludatu sie tù, o Signore, per tutti quelli chì perdonanu è mantenenu a pace, chì, da tè, Altissimu, seranu curunati."
E' tandu, u vescu è u posdestà si abbraccionu.
Pacificu hè mortu in Belgica versu l'annu 1230. Retrouvez l'émission I Santi sur Voce Nustrale  du lundi au samedi à 10h30.