Corse Net Infos - Pure player corse

I Santi : Santa Pullonia,U Beatu Miguel Cordero


Rédigé par le Samedi 9 Février 2013 à 02:49 | Modifié le Samedi 9 Février 2013 - 02:51


Pullonia hè stata marturiata in Alessandria d'Egittu l'annu 249. Era à l'epica di l'imperatore Deziu (249-251). Tandu, i pagani persecutavanu i cristiani è, quelli chì cumandavanu in cità, i lasciavanu fà, i incuraggianu ancu.


Un ghjornu, unipochi di sgaiuffi inguantanu un vechju, è li dumandanu di bestimià u nome di Cristu. Cum'ellu ricusa, u matraverseghjanu di pezzi di canna appinzati, è ne facenu un strascinu. Dopu si cozzanu à una cristiana chì ricusava di adurà l'idule, è a tombanu à petrate. A terza vittima fù Pullonia.
Pullonia facia parte di e vergini cunsacrate. Li sciappanu tutti i denti, è minaccianu di brusgialla viva s'ella ùn ripete, dopu à elli, parullaccie contru à Cristu. Ella si scusa di ùn dalli suddisfazione, è corre à lampassi in u focu.
Etimolugia : da Apollu, diu di a mitolugia greca rumana, da u grecu "apellos" (chì face nasce a creazione).
Nomi;: Apollinaire, Apollinaris, Apolline, Apollon, Apollonia, Apollonie, Apollonio, Apollonius, Apollos, Polly, Pullonia, Pulloniu.
Prutezzione : Pullonia hè a santa patrona di i dentisti è ghjè pregata pè a pena di denti.

Miguel Cordero, natu in u 1854 in Cuenca, cità di a Republica ecuaturiana, hè mortu in u 1910, in Spagna, à Premia de Mar.
Quandu, in u 1863, i frati di e Scole Cristiane decisenu di stabilissi in l'America suttana, principionu per l'Ecuator. Ebbenu cum'è elevu à Miguel chì hè diventatu stitutore è hà fattu scola à Quito, a capitale, durante una quarantina d'anni. Hà cumpostu libri di scola chì anu servutu in tutti i paesi di lingua spagnola.
In u 1907, Miguel fù ubligatu di spatriassi per via di a pulitica anticlericale di u guvernu. Si ne hè venutu in Europa: in Parigi, in Belgica, è in Spagna duv'ellu hè mortu trè anni dopu, accantu à Barcellona.
In u 1930, e so osse sò state mandate in u so paese è poste nantu à u monte Cebollar, vicinu à Quito, duv'elli li anu fattu un bellu munimentu.
Retrouvez l'émission I Santi sur Voce Nustrale  du lundi au samedi à 10h30.




Dans la même rubrique :
< >

Jeudi 24 Juillet 2014 - 00:02 I Santi : Santa Cristina

Mercredi 23 Juillet 2014 - 00:49 I Santi : Santa Brigida.

L'actualité | Politique | Football | Sports | Culture | PAROLES | I santi | L'anniversari | Diaspora | iPhone | Avis de décès




Derniers tweets
Corse Net Infos : Fermeture exceptionnelle du collège de L'Île-Rousse https://t.co/s2p4aeBpPR
Jeudi 14 Décembre - 20:28
Corse Net Infos : Ségolène Royal : "La revendication sur la langue corse est parfaitement légitime !" https://t.co/3to5Ey6Rhq https://t.co/JgmaMKAXSa
Jeudi 14 Décembre - 19:34
Corse Net Infos : Violences faites aux femmes : "Aussi l'affaire des hommes" https://t.co/8ud6hvAZKc https://t.co/2Ah5txxExs
Jeudi 14 Décembre - 19:30
Corse Net Infos : Réserves de sang trop fragiles à l’approche des fêtes : Donnez votre sang, c’est urgent https://t.co/Xn2eOXTKwI https://t.co/sLby1sIB1z
Jeudi 14 Décembre - 19:30


Newsletter







Galerie
IMG_0459 (1)
IMG_0458
IMG_4582
IMG_4581
IMG_3366
IMG_3345
Rencontre littéraire à Aix
Rencontre littéraire à Aix
MISSCORSE
Eva Colas
GFCA
GFCA
Leroy Merlin à Ajaccio
Leroy Merlin à Ajaccio
Tempête Balagne
Tempête Balagne