Corse Net Infos - Pure player corse

I Santi : I Santi Politu è Cassianu


le Mardi 13 Août 2013 à 01:38 | Modifié le Mardi 13 Août 2013 - 22:14


Politu campava à u seculu terzu, à l'epica di i papa Ziffirinu (203-220), Calistu (221-227), Urbanu (227-233) è Punzianu (233-238).


Era un vescu chì interpretava a duttrina cristiana à a so manera. In disaccordu cù u papa è l'altri veschi, si era fattu eleghje papa da quelli chì pensavanu cum'è ellu. Si pò dì ch'ellu fù u primu antipapa di a Chjesa catolica.
L'imperatore Massiminu (235-238), chì persecutava i Cristiani, mandò u papa Punzianu è l'antipapa Politu à travaglià in e minere di Sardegna. Custì, i dui omi diventonu amichi. Sò morti tramindui da a miseria è i gattivi trattamenti.
U papa Fabianu (240-253) hà fattu vene e salme in Roma è l'hà sepolte cù tutti l'onori devuti à i martiri, quella di Punzianu à u cimiteriu di Calistu, quella di Politu à u cimiteriu di a via Tiburtina.
Etimolugia : da u gr. "hippos" (cavallu) è "lutos" (dumadore).
Nomi : Hippol, Hippolit, Hippolyte, Ippolita, Ippolito, Polita, Politu.
Paesi è cità
: Arghjusta Muriccia, pieve di Cruscaglia, Olmiccia, pieve d'Attalà, e Valle di Campulori (a chjesa di Santu Politu essendu distrutta, li anu fattu un altare in una assida di quella di San Cristina).
Prutezzione : Politu hè u santu patrone di i guardiani di prigiò.

Omu si pò dumandà perchè Cassianu hè assuciatu à Politu, ancu si elli sò stati marturiati u listessu annu.
Cassianu era maestru di scola è prufessore di stenografia. Arrestatu cum'è cristianu, ricusò di rinuncià à a so fede. U ghjudice li fece lià e braccie daretu à u spinu è u messe in manu à i so elevi. Quelli, cù i spinzoni chì servianu à incide e tavulette di cera, scrissenu parulle è frase nantu à a so pelle è anu finitu per tumballu.
Etimolugia : da u lat. "cassius" (poveru, privu).
Nomi : Cassiano, Cassianu, Cassien, Cassienne, Cassio, Cassius, Kassia.
Paesi è cità : Bonn.
Prutezzione : stitutori, scrittori.
Retrouvez l'émission I Santi sur Voce Nustrale  du lundi au samedi à 10h30.




Dans la même rubrique :
< >

Jeudi 24 Juillet 2014 - 00:02 I Santi : Santa Cristina

Mercredi 23 Juillet 2014 - 00:49 I Santi : Santa Brigida.

L'actualité | Politique | Football | Sports | Culture | PAROLES | I santi | L'anniversari | Diaspora | iPhone | Avis de décès





Derniers tweets
Corse Net Infos : Avec #OKpal soutenez #CNI ! https://t.co/EimdOC7Xpg
Lundi 16 Juillet - 08:01
Corse Net Infos : La photo du jour : Dans les eaux de la Sulinzara https://t.co/p6IFUOQc9y https://t.co/YTl1fhkL8F
Lundi 16 Juillet - 07:56
Corse Net Infos : #FRACROA Ajaccio célèbre la victoire des champions du monde Légers incidents à Ajaccio et Bastia https://t.co/usJFg2FL28
Dimanche 15 Juillet - 23:38
Corse Net Infos : Coupe du Monde : Pe l'Avvene salue la victoire de la France https://t.co/Mloj5VCblz
Dimanche 15 Juillet - 22:06



Newsletter






Galerie