Corse Net Infos - Pure player corse

Lozzi : Terzu festivale Pampasgiolu


le Jeudi 5 Juin 2014 à 23:12

A l’occasione di a settimana di a lingua corsa, a cumuna di Lozzi organiseghja u terzu festivale « Pampasgiolu » per mette in valore a lingua nustrale è l’estru pueticu corsu.



Lozzi : Terzu festivale Pampasgiolu
Quist’annu u festivale si face annant’à un ghjornu è accoglierà i sculari cume l’anni scorsi.
A Cumuna renderà un ommaggiu impurtante à Marcellu Acquaviva di l’Acquale, autore è scittore corsu (autore di l’acqualogia, di a canzona « a muntagnera »…). A sala di l’anziana scola sarà chjamata « Spaziu Marcellu Acquaviva ».
U festivale farà dinù una piazza maiò à u Chjam’è Rispondi postu chi i pueti si ritruveranu u vennari sera per mantene a fiara di a puesia.

Vennari 6 di Ghjugnu 
11 ore di mane : accolta di i sculari è visita in lingua corsa di u Mulinu è u parcorsu di pruduzzione di a farina castagnina AOC à « Calasembia » inde a struttura di u Gaec SATIVA, cù Pasquinu Flori è Gjuvan’Iviu Acquaviva
Meziornu è mezu : Pranzu nustrale à u camping U Monte CIintu
2 ore dopu meziornu : Spiecazione in lingua nustrale di a cuncipitura di u Brocciu inde a sala di a scola di Lozzi (per i sculari è i più maiò)
Trè ore è mezu dopu meziornu : Presentazione di a « Casa Francescu Flori, casa di l’antichi niulinchi » chi aprerà e so porte di Lugliu chi vene.
 6 ore di sera : Omaggiu à Marcellu Acquaviva di l’Acquale per via di a so opera in favore di a lingua è a puesia corsa. A Sala di a scola sarà battisata « Spaziu Marcellu Acquaviva ». Un marmaru sarà postu à quest’occasione.
7 ore è mezu di sera : Serata Chjami è Rispondi cù i pueti nustrali.