Corse Net Infos - Pure player corse

Les vœux de Gilles Simeoni : "U populu corsu face a prova di a so vulintà d’esse"


Rédigé par le Samedi 31 Décembre 2016 à 21:32 | Modifié le Samedi 31 Décembre 2016 - 21:50


« Nous pouvons avoir confiance » : c'est en substance le message qu'a voulu faire passer Gilles Simeoni à l'occasion de ses vœux à la population corse qui sont en ligne depuis samedi soir sur le site de la collectivité territoriale de Corse.


Les vœux de Gilles Simeoni : "U populu corsu face a prova di a so vulintà d’esse"
Cari Cumpatriotti, 
So felice è fieru di prisentavvi i mo auguri per l’annu chì stà per nasce. 
Hè statu u 2016, in lu mondu sanu, un annu di strage è di dulore. Un annu oscuratu, in core propiu à a Francia è à l’Auropa, da u spiombu di u tarrurisimu.  
Sta sera, pinsemu à e vittime di Berlinu, di Nizza, di Brussele. È furmemu l’auguru chì, per ogni cuntinente, l’inghjustizie è e disugualità lachinu a piazza à sucetà sulidarie è fraterne di più.  
Senza pate simule sciagure, a nostra isula cunnosce, ancu ella, dificultà è suffrenze. 
Li hè toccu, in più di quessa, à dà pettu ste poche simane à timpurali di l’altru mondu. 



In issa vigilia d’annu novu, e mo prime pinsate vanu di siguru à i dannighjati inseme à tutte è à tutti quelli chì si trovanu inde l’impachji parsunali o di famiglia : u dolu, a malatia, u musinu, a sulitudine, a mancanza di libertà. 
È, frà quessi, cumu stà senza ammintà i prigiuneri pulitichi ? Battaremu in trappa chì stu Natale sia l’ultimu passatu luntanu da i soi. L’avvicinata, l’annistia è una suluzione pulitica sò i puntelli di i tempi novi duva ella si face avanti a Corsica. 
I tempi di u sviluppu, di a dimucrazia sputica è di a pace. 


Chì l’annu 2016, s’ellu s’hà strascinatu u so bellu carcu di prove, hà dinò parmessu d’apre i chjassi di a spiranza. 
In tanti casi, semu stati capaci à accoglieci è à adunicci per difende l’intaressu cumunu è da fà chì a Corsica possi tirà avanti : 
  • addirrizzata bugittaria di a Cullitività tarrituriale di Corsica 
  • arristati Miot 
  • trasporti marittimi 
  • difesa di l’internu è di a muntagna 
  • sustegnu à l’imprese è à i so salariati 
  • statutu fiscale è suciale 
  • lutta contru à a puvarezza è u musinu 
  • custruzzione di a futura Cullitività di Corsica, chì nasciarà u prima di ghjinnaghju di u 2018.
 
 
Inseme, avemu datu pettu à e dificultà, tutte quantu elle eranu. 
Inseme, avemu principiatu à porghje suluzione à prublemi tinuti da impussibbuli da scioglie, dapoi dicene è dicene d’anni. 
Inseme, avemu fattu a scummessa di a furmazione, di l’educazione è di l’innuvazione. 
Hè bella certa ch’ellu ferma da fà più chè l’assai. Ebbeh, ancu què u faremu ! 
Soprattuttu, sapemu oramai ch’è no ci pudemu sorte à bè. 
Chì a Corsica, scogliu sodu hè. 
Scogliu sodu hè par via di a so storia, chì ci hà sempre dimustratu a so capacità à fà ch’ellu trionfi u spiritu di risistenza, di tullarenza è di libertà. 
A so forza a caccia da a so lingua, da a so cultura è da a so identità, da a so tarra. 
A so forza a caccia da a so apartura à u mondu è à l’altri ; 
A so forza a caccia da a so ghjente : 
da e so leve anziane 
da a so spalluzzera 
da e so forze vive 
da a so giuventù. 


Iè, andate puru, sta sera a cunfidenza a purtemu in senu. 
Chì u populu corsu face a prova, ogni ghjornu è in ogni duminiu, di a so vulintà d’esse. 
L’annu vechju stà per andassine. Affacca l’annu novu. 
Chì 2017 sia quellu di a divizia, di a spartera, di a fratellanza. 
Chì a Corsica è u so populu s’avviinu nant’à a strada di a dimucrazia, di l’emancipazione è di a Pace. 
A voi tutti, cari cumpatriotti, ch’è vo siate in tarra nostra o spatriati per issu mondu, 
A vi dicu di core è di stintu, incù fervore è amicizia : 
Pace è salute, per voi, è pè tutti i vostri ! 
 Gilles SimeonI





Dans la même rubrique :
< >

A la une | L'actu régionale | Faits divers | Société | Justice | Economie









Retrouvez les offres d'emploi avec notre partenaire





Les plus récentes
L'actu régionale
Charles Monti | 24/11/2016 | 88392 vues
00000  (0 vote) | 0 Commentaire
L'actu régionale
Michela Vanti | 16/09/2016 | 45227 vues
00000  (0 vote) | 0 Commentaire
L'actu régionale
Charles Monti | 05/03/2017 | 39108 vues
00000  (0 vote) | 0 Commentaire
1 sur 389