Corse Net Infos - Pure player corse

I Santi : Santu Daniele, Santu Damasiu


Rédigé par le Mardi 11 Décembre 2012 à 00:46 | Modifié le Mardi 11 Décembre 2012 - 00:48


Daniele hè natu l'annu 409 in Mratta, l'attuale Samsate, in Turchia. Era un frate chì si era fattu stulitu, unu di issi frati chì campavanu nantu una culonna, sposti à tutti i venti. Hè mortu vicinu à Custantinopuli à l'età di 84 anni, l'11 dicembre 493.


Dicenu chì a so culonna a l'avia fatta fà l'imperatore. Cunsistia in un tavulacciu nantu à dui pilastri cù un parapettu è un tettucciu. Per ghjunghjeci ci era una scala. Ci hè statu 33 anni, sinu à a morte.
Da quassù, predicava. Avia sempre i listessi discorsi: "tenite caru u Signore chì ellu vi tene caru; u peccatu ùn pò dà felicità", è po: "tenite caru à tutti, soprattuttu i poveri".
Dicenu dinù chì i nutabili venianu à cunsultallu è ancu l'imperatori Leone Primu (457-474) è Zenone (474-491). Cum'è tutti, cullavanu a scala per discorre cù issu discepulu di u più celebre di i stuliti: San Simeone (Cf u 5 ghjennaghju).
Etimolugia : da l'ebreu "dan" (ghjudice) è "el" (Diu): u mio ghjudice hè u Signore. À l'urigine di u nome Daniele, ci hè u prufetu d'Israele, in l'Anzianu Testamentu.
Casate : Dani, Danieli, Danielli.
Nomi : Dania, Danie, Daniel, Daniela, Daniele, Danièle, Danielle, Danielo, Daniélou, Danielu, Danila, Danilo, Danitza, Danjel, Dännel, Dany, Deniel.

Damasiu, papa da l'annu 366 à l'annu 384, era figliolu di un prete spagnolu. Si fece prete in Roma è fù elettu à a testa di a Chjesa di Ghjesù Cristu. A l'epica, u Cristianisimu era diventatu religione di Statu è i Cristiani avianu tutti i cumandi, ma eranu in disaccordu frà di elli.
Damasiu ebbe à cumbatte l'Ariani chì avianu elettu un antipapa. Dumandò à San Ghjilormu di traduce u Novu Testamentu in latinu, è u latinu sustituì u grecu in a liturgia d'Occidente.
Damasiu avia un cultu particulare pè i martiri. Hà fattu riparà è ingrandà e catacombe, è metteci scrizzioni in latinu. Certe esistenu sempre. Hè custì chì i papa eranu sepolti. Ellu, in a critta di u cimiteriu San Calistu, ci fece mette una lastra chì dicia: "Ancu eiu mi serebbi piacciutu di esse sepoltu quì, accantu à i santi, ma temu di prufanà e so cendere"... è fù sepoltu in una chjesa di a via Ardeatina.
Retrouvez l'émission I Santi sur Voce Nustrale  du lundi au samedi à 10h30.




Dans la même rubrique :
< >

Jeudi 24 Juillet 2014 - 00:02 I Santi : Santa Cristina

Mercredi 23 Juillet 2014 - 00:49 I Santi : Santa Brigida.

L'actualité | Politique | Football | Sports | Culture | PAROLES | I santi | L'anniversari | Diaspora | iPhone | Avis de décès




Derniers tweets
Corse Net Infos : Conseil départemental de la Corse-du-Sud : 8 millions d’euros pour l’hospice Eugénie https://t.co/VrYS3QhDOz https://t.co/sDrqrTHv55
Lundi 16 Octobre - 23:05
Corse Net Infos : Associu Sulidarità : Appel rassemblement https://t.co/4K5hDwD6U8
Lundi 16 Octobre - 22:48
Corse Net Infos : CAPI le nouveau dispositif financier dédié aux entrepreneurs corses https://t.co/LwHWYqPTsz https://t.co/K7nD0f1jHT
Lundi 16 Octobre - 22:20
Corse Net Infos : Signature de la convention quinquennale entre la CTC et le CFA de Furiani https://t.co/O0Z53RW46o https://t.co/AZQYuOQGJI
Lundi 16 Octobre - 22:15


Newsletter






Galerie
Collège Maria Ghjentile
Collège Maria Ghjentile
comunauté
Mairie de Propriano
Arte Mare
Arte Mare
IMG_3483
IMG_3482
IMG_2896
IMG_2895
Finosello
Finosello
Congrès Pompiers
Congrès Pompiers
Gérard Collomb
Gérard Collomb