Corse Net Infos - Pure player corse

I Santi : A Beata Delfina, Santu Leunardu di Portu Mauriziu


Rédigé par le Lundi 26 Novembre 2012 à 01:09 | Modifié le Lundi 26 Novembre 2012 - 09:33


Delfina era una Provenzale nata versu l'annu 1283 in a muntagna di u Luberone. À 13 anni si marita cù Elzearu chì ne hà 15. Facenu una vita di penitenza è di prighere, senza neglicentà certi duveri mundani è cunservendu a so virginità senza chì nimu si ne dubiteghji.


Quand'ellu hà 23 anni, Elzearu hà una lascita impurtante: u cuntatu di Sabranu, in Provenza, è quellu di Arialdu, in Italia, è diventa u vassale di Rubertu, rè di Napuli. Rubertu hà tanta cunfianza in ellu chì li dà a tutella di u figliolu è, in u 1323, u manda in Francia per circalli una moglia. In Parigi, Elzearu si more. Serà canunizatu in u 1369 da u papa Urbanu Quintu chì ghjera u ziu è u cumpare.
À a morte di u maritu, Delfina avia una quarantina d'anni. Campa torna una vintina d'anni à a Corte di Napuli duve a regina, una donna assai divota, ùn si ne vulia sfà. Quandu a regina more, si ne volta in Provenza, à u paese nativu. Hè morta à l'età di 78 anni, u 26 nuvembre 1360.
E so osse, è quelle di u maritu, si trovanu in a cattedrale d'Apt, in u Vaucluse.
Etimolugia, casate è nomi : Cf Delfinu (u 14 dicembre).

Lurenzu, di Portu Mauriziu, natu in u 1676, mortu in u 1751, era figliolu di un patrone di barca chì navigava longu à e coste di a Liguria è di a Toscana. À 21 annu, si hè fattu frate. À 30 anni hà principiatu à predicà. Hà predicatu durante più di 40 anni, fendu missioni quindi è culandi. Santu Alfonsu Maria, di i Liguori, hà dettu chì missiunariu famosu cum'è ellu ùn ci ne era mai statu. I Corsi anu cunnusciutu e so qualità strasurdinarie in u 1744, da u 12 maghju à u 18 nuvembre.
Duv'ellu andava, urganizava Via Crucis in 14 stazioni per ramintà a strada fatta da Ghjesù striscinendu a so croce da Ghjerusalemme à u Calvariu. A Via Crucis di San Leunardu, stampata è ristampata, principia cusì:

L'orme sanguigne
Del mio Signore,
Tutto dolore,
Seguiterò.
E il core intanto
per li occhi in pianto
Sopra il Calvario
Distillerò.
È u populu rispundia à ogni stroffa:
Vi prego o Gesù buono,
Per la vostra passion
Darci perdono.
U 23 nuvembre 1751, era un marti. Rientrendu in Roma, San Leunardu fù persuasu ch'ellu avia più pocu à campà. Quand'ellu passò a Porta del Popolo, disse à u cumpagnu Frà Diego: "Canta u Te Deum, eiu feraghju e risposte". U venneri era mortu.
Etimolugia, casate è nomi :  Cf u 6 nuvembre.
Retrouvez l'émission I Santi sur Voce Nustrale  du lundi au samedi à 10h30.




Dans la même rubrique :
< >

Jeudi 24 Juillet 2014 - 00:02 I Santi : Santa Cristina

Mercredi 23 Juillet 2014 - 00:49 I Santi : Santa Brigida.

L'actualité | Politique | Football | Sports | Culture | PAROLES | I santi | L'anniversari | Diaspora | iPhone | Avis de décès



Derniers tweets
Corse Net Infos : #territoriales2017 #Corse @jmmondo Jean-Martin Mondoloni : « Le #PADDUC a ruiné les Corses ! Ma priorité sera de le… https://t.co/OPo0bzClBl
Samedi 18 Novembre - 01:07
Corse Net Infos : Attentat à l'Isolella https://t.co/iP0ZS2XWXf
Vendredi 17 Novembre - 23:58
Corse Net Infos : Sartenais-Valinco-Taravo : Collecte de jouets au profit des Restos du Cœur https://t.co/AgJIg34sKF https://t.co/bfLTbSv0PM
Vendredi 17 Novembre - 23:28
Corse Net Infos : 30 anni fà, Ghjuvan’Battista Acquaviva https://t.co/ODX0HYOqKf
Vendredi 17 Novembre - 23:08



Newsletter







Galerie
GFCA
GFCA
Core in Fronte
Core in Fronte
Fior di Stella
Fior di Stella
DSC_0015
DSC_0012
parcours-marche
parcours-jeunes2
sommes redistribués
chiffre de l'alternance
Patrimonio : Gîtes œnotourisme
Patrimonio : Gîtes œnotourisme
Fnaca
Fnaca