Corse Net Infos - Pure player corse

Croneca : U liò ùn hè ancu mortu !


Rédigé par Antone Astima le Jeudi 18 Mai 2017 à 00:09 | Modifié le Jeudi 18 Mai 2017 - 00:41


U Sporting ghjucherà u so avvene in Lega una sabbatu in Marseglia. Per tutti quelli chì l’avianu dighjà interratu, a Lega dui, s’ella hè, per disgrazia, più ch’è vicina, ùn ci hè ancu. In fine, si ponu “ringrazià” quelli sò entrutu nantu à u terrenu u 16 d’aprile scorsu in Furiani cch’è issi punti quì puederianu mancà…


Croneca : U liò ùn hè ancu mortu !
Tuttu u mondu ridia quand’affaccò u sgiò Almeida in Bastia. U Sporting era 19mu di a classiffica di Lega Una è cuntava 5 punti di ritardi nantu à Nancy. Nove macci dopu, i Bastiacci sò sempre 19mu ma ùn anu più ch’un picculu punti di ritardu nantu à Lorient,18mu è dui nantu à Dijon è Caen, 16mu è 17mu. Senza esse tremende ne mancu, u bilanciu di u Purtughese ùn hè micca male : deci macci (senza cuntà quellu di Liò), trè vittorie (for di casa), duie parità è cinque disfate (una in casa). In fine, ciò ch’ellu dicia l’addestratore turchinu quand’ellu ghjuntu, si verificheghja : « u mantenimentu si ghjucherà à l’ultima partita… ».
Ci vole à ricunnosce ch’ellu t’avai a ragiò. In fattu, ùn sò ch’è durante una decina di minute ch’è u Sporting erra in lega duie sabbatu. Quandu era in parità di fronte à Lorinent mentre chè Dijon vincia ricevendu à Nancy. A a fine, Bastia hà vintu (2-0) è lasciatu l’ultima piazza à i ghjucadori di Correa. E dunque, tuttu si ghjucherà sabbatu in Marseglia, chì ghjoca a 5ma piazza è un bigliettu per l’Auropa.


Tandu, ognunu dice a soia : « Thauvin ùn « ghjucherà micca », « ci anu da lascia u macci », « s’è Parrighji vince a cuppa di front’à Angers, l’OM hè assicuratu d’avè a 5ma piazza », « ci seranu 60000 sustenidori, rigalu hè mortu ». A dilla franca, ùn si sà ciò chì pò acade in issa partita. Ma, dopu à isse duie vittorie in Fos sur Mer, à mezu à u ventu è e zinzale, s’è u Sporting fala in Lega duie, ùn puderà rimpruverà nè u Statu Francese, nè a LFP, nè mancu à Diu, solu à quelli astuti di u 16 d’aprile corsu in Furiani. Ch’è, fora d’esse a risa di u mondu sanu issu ghjornu quì, avemu persu trè punti. Chì ci saria statu, ind’una partita « nurmale » ?
Liò aspettava u ritornu in Turchia, Aulas avia purtatu a squadra « bis », un puntu omancu, u ci pudiamu piglià. Un puntu cì, pò esse, ci hà da mancà sabbatu…




Dans la même rubrique :
< >

Mercredi 31 Mai 2017 - 13:24 A festa di a lingua corsa di Belgudè

Livres | Musique | Evènements | Lingua corsa | Cuisine


Les plus récentes
Lingua corsa
Philippe Jammes | 14/03/2017 | 4645 vues
11111  (4 votes) | 0 Commentaire
Lingua corsa
Charles Monti | 23/05/2017 | 3383 vues
00000  (0 vote) | 0 Commentaire
Lingua corsa
Philippe Jammes | 19/05/2016 | 2684 vues
00000  (0 vote) | 0 Commentaire
1 sur 7